Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Ислоҳотлар концепцияси – ижтимоий - иқтисодий ислоҳотларнинг 
асосий мақсад ва йўналишлари, уни амалга оширишнинг вазифалари ва 
стратегик йўлларининг умумий ғоясидир. 
Иқтисодиётни барқарорлаштириш – танглик ҳолатларига барҳам 
бериш асосида макроиқтисодий мувозанатликни сақлаш ва ишлаб 
чиқаришни юксалтириш учун шарт-шароитларни вужудга келтиришдир. 
Ижтимоий тўловлар – кам таъминланганларга пул ёки натурал 
шаклда ёрдам кўрсатишга қаратилган тадбирлар тизими. 
Ижтимоий сиёсат – бу давлатнинг даромадлар тақсимотидаги 
тенгсизликни иқтисодиёт қатнашчилари ўртасидаги зиддиятларни бартараф 
қилишга йўналтирилган сиёсат. 
Ижтимоий-амалий марказ – иш билан банд бўлмаган аҳоли ва 
ишсизлар ўртасида кичик тадбиркорликни ривожлантириш орқали янги иш 
ўринларини яратиш билан шуғулланувчи, одатда бандлик марказлари 
қошида ташкил этилувчи тузилма. 
Иқтисодиётнинг реал сектори – иқтисодиётнинг бевосита моддий 
неъматлар ишлаб чиқариш ва хизматлар кўрсатиш билан боғлиқ соҳаси 
бўлиб, у ўз ичига саноат, қишлоқ хўжалиги, қурилиш, транспорт, алоқа ва 
бошқа хизмат кўрсатиш тармоқларини олади. 
Ишлаб чиқаришни модернизациялаш– ишлаб чиқаришни замонавий 
технологиялар билан жиҳозлаш, уни маънавий жихатдан янгилаш, таркибий 
жихатдан техник ва технологик қайта тузиш каби чора-тадбирларни ўз ичига 
олувчи жараён. Ишлаб чиқаришни модернизациялашнинг асосий йўналиш ва 
воситалари бўлиб қуйидагилар ҳисобланади: корхоналардан эскирган асбоб-
ускуналарни чиқариш; ишлаб чиқаришни замонавий техника ва 
технологиялар билан жиҳозлаш; маҳаллий ресурслар асосида ишлаб 

---

401 
чиқаришга инновацион технологияларни жорий этиш; ишлаб чиқарилаётган 
маҳсулот ассортиментини кенгайтириш; ишлаб чиқариш харажатларини 
пасайтириш ва ресурсларни тежаш; сифатни бошқариш ва сертификатлаш 
тизимини жорий этиш; чиқитсиз ва экологик тоза технологияларни жорий 
этиш ва бошқалар.