Microsoft Word pushkin sherlar ziyouz com doc

 
 
* * * 
Орамизда яшаганди ул
28
, 
Унга ёт қавм аро; кўнглида зарра 
Йўқ эди бизларга кину адоват. 
Биз уни севардик. Ювош, беозор — 
Бари суҳбатларга қўшилар эди, 
Бахам кўришардик тиниқ орзулар. 
Қўшиқларни бизлар (илҳоми кўкдан. 
Ҳаётга ҳам кўкдан боқарди). Тез-тез 
Сўйларди келажак замонлар ҳақда, 
Дердики: «Низони унутиб халқлар 
28
Шеър буюк поляк шоири Адам Мицкевичга багишланган. (Тарж.) 

---

Александр Пушкин. Шеърлар ва достон 
www.ziyouz.com kutubxonasi 
94
Улуғ оилага бирлашажаклар!» 
Очиқиб тинглардик шоирни. Ғарбга 
Жўнаб кетди шоир — тилашиб оқ йўл. 
Хўшлашиб қолдик биз. Бироқ-чи энди. 
Ювош меҳмонимиз ёвлиқ қилмоқда 
Бевош оломоннинг раъйига қараб, 
Шеърий нардаларга жойлабон нафрат, 
Заҳар қуймоқдадир каломларига. 
Қаҳрвор шоирнинг саси олисдан 
Эшитилиб турар!.. О, тангри, ўзинг 
Дарғазаб қалбига тинчлик ато эт, 
Ва унга қайтаргил... 
1834 
Муҳаммад Али таржимаси 
* * * 
Ўйладимки, юрак унутди 
Муҳаббатнинг эзгу азобин, 
Дедим: ўтган бариси ўтди, 
Ўтди! Қайтиб келмайди тағин. 
Ўтиб кетди завқ-да, қайғу-да 
Ва ҳавойи енгил умидлар... 
Аммо ўткир ҳусн олдида 
Тушди яна ларзага улар. 
1833 
Зулфия таржимаси 
* * * 
Ёшлик байрамимиз бизнинг бир вақтлар 
Шод эди, яшнарди гулчамбар кийиб, 
Кадаҳлар жаранглар куйга жўр бўлиб, 
Тиғиз ўлтирарди даврада сафлар. 
Беғам ва бепарво қалб-ла у замон — 
Яшардик мушкулни этиб бартараф, 
Қадаҳ кўтарардик умид ва армон, 
Ёшлик — ҳаммасига рўшнолик тилаб. 
Энди ўзгачадир: суронли байрам, 
Йиллар ўтиш билан биз каби абгор, 
Тийилди, тинчланди, унда йўқ виқор. 
Жаранги бўғилди қадаҳларнинг ҳам. 

---

Александр Пушкин. Шеърлар ва достон