Ergashxodjaeva Sh. Dj., Nazarova F. M

 
10.10. Injiniring kelishuvlari 
 
Xalqaro  injiniring  kelishuvi  ixtisoslashgan  injiniring  kompaniyalari  hamda  fan 
va  texnikaning  ilg’or  tarmoqlarida  faoliyat  ko’rsatuvchi  boshqa  kompaniyalar 
tomonidan  ishlab  chiqarish,  tijorat  va  ilmiy-texnik  xarakterga  ega  xizmatlarni 
ko’rsatish bo’yicha tuziluvchi bitimdir. 
Injiniring xizmatlari qatoriga quyidagilarni kiritish mumkin
1
:  
1. Loyihadan avvalgi xizmatlar, jumladan: 
•  loyihalarning texnik-iqtisodiy asoslanishini tayyorlashda yordam ko’rsatish; 
•  tabiiy boyliklarni izlash; 
•  bo’lajak  ishlab  chiqarishning  texnik,  iqtisodiy  va  tashkiliy  imkoniyatlarini 
baholash. 
2. Loyiha xizmatlari, jumladan: 
•  asbob-uskuna va inshootlarni loyihalash, mos keluvchi tadqiqot va sinovlarni 
o’tkazish; 
•  tajriba namunalarini tayyorlash. 
3. Loyihadan keyingi xizmatlar: 
•  hamkorlik kelishuvlarini tuzish bo’yicha muzoqaralar o’tkazish; 
•  ishlab chiqarishni texnik boshqarishda yordam ko’rsatish: 
•  xodimlarni  o’qitish,  asbob-uskunalarni  ekspluatatsiya  qilish  bo’yicha 
maslahatlar berish, texnologik jarayonlarni tashkil etish; 
•  ishlab  chiqarishni  axborot  bilan  ta’minlash  tizimini  joriy  qilish  bo’yicha 
xizmat ko’rsatish; 
•  reklama faoliyatida ko’maklashish. 
Injiniring  xizmatlarining  yakuniy  maqsadi  investisiya  faoliyatidan  eng  yaxshi 
natijalarga  ega  bo’lishdir.  Injiniring  xizmati  eksporti  bo’yicha  etakchi  mamlakatlar 
                                                
1
 
Аникеева-Науменко  Л.О.,  Пересветова  Е.Б.  Международный  маркетинг:  Учебное  пособие  для 
бакалавров – М.: МГУПС (МИИТ), 2015. –  150 с.
 

---

 
238 
qatoriga  AQSH,  Buyuk  Britaniya,  Fransiya,  Germaniya,  Yaponiya,  Kanada, 
Shvesiya, Daniya, Shveysariya va Italiyani kiritish mumkin. 
Tijorat asosida  ilmiy-texnik  hamkorlik  va  ilmiy-texnik kooperasiya kelishuvlari 
ham xalqaro texnologiyalarni berishning shakllaridan biri hisoblanadi. 
Hozirgi  paytda  moslashuvchan  ixtisoslashgan  tizimlar,  axborot  tizimlari,  aloqa 
tizimlari,  lazer  va  aerokosmos  texnikasi,  biotexnologiya  va  yangi  kompozision 
materiallar kabi yangi texnologiyalar juda rivojlangan. YAngi texnologiyalarni ishlab 
chiqarishga  joriy  qilish  katta  moddiy  va  moliyaviy  xarajatlarni  talab  qilib,  bu  ilmiy-
texnik  hamkorlik  sohasida  xalqaro  miqyosda  moddiy  va  moliyaviy  resurslarni 
birlashtirish  zaruratini  asoslab  beradi.  Bunday  xalqaro  hamorlik  yangi  mahsulot 
turlarini  ishlab  chiqishga  qaratiladi,  shuningdek,  ilmiy-texnik  kooperasiyasi 
mahsulotning tajriba namunasini yaratish va ishlab chiqarish bilan yakunlanadi.