Loyiha toshkent davlat yuridik universiteti

Jazoni o’tash tartibini qo’pol tarzda buzganlik uchun va saqlash 
rejimini ashaddiy buzuvchilar uchun javobgarlik choralari 
 
Jazoni  o’tash  tartibini  qo’pol  tarzda  buzish  tushunchasi  JIKning  111-
moddasida  berilgan  bo’lib,  jazoni  o’tash  tartibini  qo’pol  tarzda  buzish  – 
ma’muriy  javobgarlik  to’g’risidagi  kodeksda  ko’rsatilgan  huquqbuzarlikni 
sodir  etish,  shuningdek  ichki  tartib  qoidalarida  taqiqlangan  buyumlar  va 
narsalarni  saqlash,  tarqatish,  iste’mol  qilish  va  ulardan  foydalanish  jazoni 
o’tash  tartibini  qo’pol  tarzda  buzish  deb  hisoblanadi.  Shuningdek, 

---

171 
 
mahkumning  jazoni  ijro  etish  muassasasi  hududini  yoki  ma’muriyat 
yo’llanmasi bilan bo’lishi kerak bo’lgan boshqa joyni o’zboshimchalik bilan 
tashlab  ketishi  ham  manzil-koloniyada  jazoni  o’tash  tartibini  qo’pol  tarzda 
buzish deb hisoblanadi.  
Ma’muriy huquqbuzarlik deganda qonun hujjatlariga binoan ma’muriy 
javobgarlikka  tortish  nazarda  tutilgan,  shaxsga,  fuqarolarning  huquqlari  va 
erkinliklariga,  mulkchilikka,  davlat  va  jamoat  tartibiga,  tabiiy  muhitga 
tajovuz  qiluvchi  g’ayrihuquqiy,  aybli  (qasddan  yoki  ehtiyotsizlik  orqasida) 
sodir  etilgan  harakat  yoki  harakatsizlik  tushuniladi  (Ma’muriy  javobgarlik 
to’g’risidagi  kodeksning  10-moddasi).  Huquqbuzarlik  uchun  ma’muriy 
javobgarlik,  basharti  bu  huquqbuzarlik  o’z  xususiyatiga  ko’ra  jinoiy 
javobgarlikka tortishga sabab bo’lmagan taqdirda, amalga oshiriladi. 
 
Odatda  giyohvand  moddalar  iste’mol  qilish,  mayda  bezorilik,  jazoni 
ijro  etish  muassasa  vakillari  buyrug’iga  buysunmaslik,  ularga  tahdid  qilish 
yoki  haqorat  qilish,  ish  tashlashni  tashkil  etish,  ommaviy  buysunmaslik  va 
ularda  faol  qatnashish  kabi  harakatlar  jazoni  o’tash  tartibini  qo’pol  tarzda 
buzish hisoblanadi. 
 
Shuningdek,  mahkumning  muqaddam  jazoni  o’tash  tartibini  ikki  yoki 
undan  ortiq  marotaba  qo’pol  tarzda  buzganligi  va  ularning  har  biri  uchun 
intizomiy  bo’linmaga  joylashtirilganligi  ham  jazoni  o’tash  tartibini  qo’pol 
tarzda buzish sanaladi. 
Giyohvandlik  yoki  boshqa  psixotrop  moddalarni  imte’mol  qilish 
boshqa holatlar kabi tibbiy xodim ishtirokida tegishli hujjat tuzish yo’li bilan 
tasdiqlanishi  lozim.  Giyohvand  moddalar  ro’yxati  (shu  jumladan,  tabiiy  va 
sintetik giyohvand moddalar va giyohvand dorilar) O’zbekiston Respublikasi 
Vazirlar  Mahkamasi  va  Sog’liqni  saqlash  vazirligi  huzuridagi  giyohvand 
moddalarni nazorat qilish bo’yicha komissiya tomonidan belgilanadi.