Ф. Жуманова, С. Авазова, Г. Жобборова, У. Хуснетдинов

14.3. Оила тарбияси 
 
“Оила - кичик Ватан, оила тинч бўлса, бахтли бўлса, Ватан тинч бўлади” 
(Ш.Мирзиёев). Хақиқатдан ҳам болалар ва ёшлар тарбияси, айниқса, маъна-
вий-ахлоқий тарбияси барча даврларда жамиятнинг устувор вазифаларидан 
бўлиб, бу энг аввало оила ва маҳаллада шаклланган. 
Оила – одамнинг илк ижтимоий-маданий муҳити; жамиятнинг бошлан-
ғич гуруҳи; никоҳга асосланган ва аъзолари биргаликда яшаш, уй хўжалигини 
юритиш, ўзаро ҳиссий муносабатлар ва мажбуриятлар билан бирлашган кичик 
гуруҳ.

---

300 
Маҳалла – 
бир қанча оилани бирлаштирган, муайян ҳудудни макон тут-
ган, ўзига хос қадриятлари билан ажралиб турадиган 
ижтимоий-маданий ту-
зилма бўлиб, шахс камолотига маҳалла муҳити кучли таъсир кўрсатади. Шу 
сабабли, бола – оила ва маҳалла кўзгуси дейилади. Зеро, бола оила ва маҳалла 
тимсолида жамиятнинг ижтимоий-маънавий қиёфасини кўради, жамият та-
лаблари моҳиятини илк бора оила ва маҳалла муносабатларининг ташкил эти-
лиш жараёнида англайди.
Бугунги кунда мамлакатимизда фарзанд ва ёшлар тарбияси давлат сиё-
сати даражасига кўтарилди: Ўзбекистон Республикаси Вазирлар Маҳкамаси 
ҳузурида “Оила” илмий-амалий тадқиқот маркази ташкил этилиб, мазкур 
марказнинг асосий вазифаларидан бири «Соғлом оила - соғлом жамият» кон-
цептуал ғояси асосида оилавий қадриятларни мустаҳкамлаш, сақлаш ва ри-
вожлантириш, маънавий-аҳлоқий тарбия, иқтисодий ва ҳуқуқий билимлар, 
тиббий маданиятни ошириш, оилавий муносабатлар психологияси бўйича 
машғулотлар ўтказишни назарда тутадиган ўқув дастурларини ишлаб чиқиш-
дан иборат. Бу каби тарбиявий тадбирлар туфайли соғлом оила шаклланади. 
Зеро, носоғлом оилада “маънавий касал” инсонлар вужудга келади. 
Шу билан бирга Маҳалла ва оилани қўллаб-қувватлаш вазирлиги ташкил 
этилдики, унинг асосий вазифаларидан бири оила тизимини янги даражага 
олиб чиқиш, оилаларда ёшлар тарбияси самарадорлигини ошириш, ёшларни 
маънавий бой ва жисмонан соғлом этиб тарбиялаш, уларни оилавий ҳаётга 
тайёрлашдан иборатдир.