Iskandar tuxliyev bahodirxon safarov

Qo‘shimcha ma’lumotlarning taxminiy ro‘yxati 
1.  Yosh  cheklovi,  bolali  turistlar,  oilalilar  qabuli  to‘g‘risida 
ma’lumot.  
2. Poxodli turistik safar uchun maxsus ma’lumot.  
3. Boshqa ma’lumot va tavsiyalar 
 
Izoh:  Doimiy  tibbiy  nazoratda  bo‘lishi  lozim  bo‘lgan  shaxslarga 
sayyohatning  yo‘nalishlari  tavsiya  etilmasligini  ta’kidlash  maqsadga 
muvofiqdir.  
 
 4- ilova 
Turistik safar yo‘nalishining ekspeditsion tekshiruvi 
o‘tkazilganligi to‘g‘risidagi hisobotning tuzilishi va mavzusi 
 
Yo‘nalishning ekspeditsion tekshiruvi o‘tkazilganligi to‘g‘risidagi 

---

hisobot  yangi  turistik  sayohatni  loyihalashtirish  uchun  asosiy 
ma’lumotnoma hisoblanadi. 
 
Hisobot matni quyidagilardan iborat bo‘lishi mumkin: 
1.  Safar  hududi  to‘g‘risida  ma’lumotlar:  safarga  tayyorgarlik  va 
uni o‘tkazish paytida hududning taktik va texnik masalalarga ta’siri.  
2.  Safar  to‘g‘risida  ma’lumot:  uning  masofasi  va  bosib  o‘tish 
davomiyligi, transfer usuli.  
3.  Safarni  tashkil  etish,  jumladan  aynan  shu  yo‘nalish 
tanlanishining sababi.  
4. Safar harakatining jadvali va texnik tavsifi.  
Xavf-xatar  ehtimoli  bo‘lgan,  ekstremal  vaziyatlar,  ko‘rish 
cheklangan sharoitlarda mo‘ljallarga alohida e’tibor beriladi.  
 Safar xulosasi, natija va tavsiyalar.  
Hududning  o‘ziga  xos  jihatlari,  o‘tishni  yengillashtirish  yo‘llari, 
xavfsizlik va qiziqarli o‘tkazish takliflari.  
Safarga  tayyorgarlik  va  hisobot  tayyorlashda  foydalanilgan 
adabiyotlar ro‘yxati, Turistik hisobotlari va boshqa manbalar.  
Ilova: 
–  shaxsiy  va  guruh  jihozlari,  jihoz  va  inventarlar  jamlanmasi 
bo‘yicha tavsiyalar; 
–  safarda  ovqatlanish  ratsioni,  yo‘lda  oziq-ovqat  mahsulotlarini 
olish imkoniyatining mavjudligi; 
– guruh va har bir kishiga tegishli mahsulot va uskunalar hajmi; 
– safar xarajatlari smetasi; 
– transport, aloqa, tibbiyot punktlarining ish tartibi; 
– hisobotga ilova qilinadigan suratlar (chizmalar); 
–  safar  yo‘lining  murakkab  nuqtalarini,  yodgorliklarni,  tabiatini 
aks  ettirishi  lozim.  Fotosuratlar  va  chizmalar  raqamlanishi, 
nomlanishi va imzolanishi kerak.  
–  safar  hududining  yo‘nalishi  ko‘rsatilgan,  zaxira  yo‘li  qayd 

---

etilgan,  yo‘nalishlar  belgilangan,  tunash  joylari  ko‘rsatilgan,  to‘siq 
va mo‘ljallar aks etgan, asosiy nuqtalarning fotosurati berilgan xarita. 
Xarita  safarning  og‘ir  uchastkalari  va  ularning  o‘tish  yo‘llarini  aks 
ettiradi.  
Hisobotni tayyorlash. 
Hisobot  komputerda  (1,5  intervalda)  terilishi,  ilovalari  bilan 
raqamlanishi  va  muqovalanishi  shart.  Hisobotning  umumiy  hajmi, 
odatda,  100  sahifagacha  bo‘ladi,  jumladan,  matn  –  50  sahifagacha. 
Hisobot  sarlavhali  titul  varag‘iga,  bo‘limlar,  fotosuratlar,  xarita 
(chizma)lar  ko‘rsatilgan  mundarijasiga  ega  bo‘lishi  shart. 
Muqovaning  ichki  tomoniga  xarita  va  hujjatlar  uchun  konvert 
yelimlanadi.