I.Ўқув фанининг долзарблиги ва олий касбий таълимдаги ўрни

II. Ўқув фанининг мақсади ва вазифалари 
 
Фанни ўкитишдан мақсад– талабаларда одам организмининг тузилиши, 
аъзо ва тўқималарининг функционал ва топографик анатомияси, ёшга қараб 
ўзгариши ҳақида билим, клиник фикрлаш, кўникма ва малакани 
шакллантиришдир. 
Фаннинг вазифаси - талабаларга организм тузилишининг индивидуал ва 
жинсий тафовутлари, ёшга қараб ўзгариши, аъзоларнинг анатомо-топографик 
муносабатларини, 
уларнинг 
рентгеноанатомиясини, 
аъзоларнинг 
ривожланишида бўладиган нуқсонларини ўргатишдан иборат. 
Анатомия ўқув фанини ўзлаштириш жараёнида амалга ошириладиган 
масалалар доирасида бакалавр: 
-организмнинг бир бутунлигини, организмни ташкил этган тизимларнинг
(суяклар, бўғимлар, мушаклар, ички аъзолар, қон томирлар, нерв ва сезги 
аъзолар системалари) аҳамияти; 
-организмнинг 
ўсиши, 
шаклланиши, 
ривожланишининг 
асосий 
қонуниятларининг моҳияти, уларнинг ташқи муҳит билан муносабатини 
таъминлаётган тизимлар ҳамда уларнинг ёшга нисбатан ўзгаришини; 

---

4 
-бошқа заминий ва клиник фанларни ўзлаштириши учун анатомия фани 
замин яратиши, барча касалликларнинг асосида аъзоларнинг анатомо-
физиологик функцияларининг бузилиши ҳақида тасаввурга эга бўлиши; 
-одам организмни ташкил этган тизимларнинг тузилишини, аъзоларининг 
онтогенез ва филогенездаги тараққиётининг асосларини ҳамда кўп учрайдиган 
аъзолар нуқсонини билиши ва уларни ажрата олиши; 
-VII 
бўйин умуртқасининг қиррали ўсимтасини, умуртқаларни, 
қовурғаларни ҳисоблаб топиш;
-бўйинтуруқ чуқурчаси, елка суяги бошчаси, тирсак ўсимтаси, тирсак ва 
билак суякларида бигизсимон ўсимталар, нўхотсимон суяк, ёнбош қирраси ва 
олдинги юқориги ўсимта, симфиз соҳаси, тизза қопқоғини, катта болдир 
суягининг олдинги қиррасини, тўпиқлар, суякларининг ўнг ёки чап тарафга 
мансуб эканлиги, пешона дўмбоқлари, кўз косасининг юқориги ўймаси, кўз 
косасининг остки тешиги, энгак тешиги, сўрғичсимон ўсимта соҳаси, юз 
соҳасидаги контрофорсларни аниқлашва кўрсата олиш; 
-ҳар бир бўғимдаги ҳаракат ўқларини кўрсата олиш;
-мушак қисқариши натижасида бўладиган ҳаракатларни кўрсатиш; 
-пульсация нуқталарини аниқлаш кўникмаларига эга бўлиши керак; 
-организмнинг бир бутунлигини, организмни ташкил қилган: суяклар, 
бўғимлар, мушаклар, ички аъзолар, қон томирлар, марказий ва периферик нерв 
тизими, сезги аъзоларининг функционал тузилишини ўзаро қиёслаш;
-барча 
касалликларнинг асосида аъзоларнинг анатомо-физиологик 
функцияларининг бузилиши тўғрисида ҳамда аъзолар, тизимлар ва структур 
бирликларнинг тузилиши ва вазифалари аҳамиятини талқин этиш; 
-одам танасининг тузилиши, уни ташкил этган тизимлар, аъзолар ва 
тўқималар, шахсий ва организмнинг ёшга доир тузилишини баҳолаш; 
одам аъзоларининг тузилишини унинг вазифаси билан боғлиқ ҳолда асослаб 
бериш малакаларига эга бўлиши керак.