Microsoft Word ахборот технологиялар фанидан мажмуа doc

Ахборот тизими – қўйилган мақсадларга эришиш йўлида ахборотни тўплаш, сақлаш, 
ишлов бериш ва чиқариб бериш учун фойдаланиладиган воситалар, усуллар ва ходимларнинг 
ўзаро боғлиқ мажмуи. 
Бугунги кундаги замонавий ахборот тизими тушунчаси ахборотга ишлов беришнинг 
асосий техник воситаси сифатида шахсий компьютерлардан фойдаланишни кўзда тутади. 
Ташкилот дейилганда умумий мақсадлар йўлида бирлашган ва умумий моддий ҳамда 
молиявий воситалардан моддий ва ахборот маҳсулотлари ҳамда хизматлари ишлаб чиқариш 
учун фойдаланадиган одамлар ҳамжамияти тушунилади. Матнда икки сўз: «ташкилот» ва 
«фирма» сўзлари тенг маъноларда қўлланилади. 
Ахборот тизимларининг қўлланиш соҳалари турли-тумандир. Муайян ахборот 
тизимининг хусусиятлари мажмуини белгиловчи кўплаб омиллар орасида учта асосий омилни 
ажратиб кўрсатиш мумкин, булар: тизимнинг техник даражаси; ишлов берилаётган ахборот 
характери; ахборотнинг ишлатиш мақсадлари, яъни ушбу тизим ҳал қилишда ёрдам бериши 
мўлжалланган вазифалар доираси. Санаб ўтилган омиллар ҳам тизимнинг ўзида, ҳам 
фойдаланувчилар учун тақдим этиладиган ахборот шаклини, ахборотга ишлов бериш 
жараёнлари характерини ва тизимнинг ташқи муҳит билан ўзаро алоқасини, тизимнинг 
алгоритмик ва дастурий таъминоти таркибини белгилаб беради.
Техник 
даражаси 
бўйича 
ахборот 
тизимлари 
дастаки, 
механизациялашган, 
автоматлашган ва автомат тизимларга бўлинади. Тизимни санаб ўтиши тартиби улар 
яратилишининг тарихий кетма-кетлигини акс эттиради. 
Дастаки ахборот тизимларида ахборотга ишлов беришнинг барча жараёнлари қўлда 
бажарилади. Қўлда ишлов бериладиган тизимларнинг ахборот массивлари ҳажми унча катта 
бўлмайди, маълумотлар турли типдаги элтувчиларда сақланади. Бундай тизимларда ахборотни 
қидириш учун оддий селектив мосламалардан фойдаланилади. Аслини олганда дастаки 
ахборот тизимлари тизим эмас, балки маълум белгилар мажмуи бўйича зарур ахборотни 
қидиришни енгиллаштирувчи қурилмалар ҳисобланади. Бу қурилмалар арзон, улар билан 
ишлаш оддий, уларни ишлатиш учун олий малакали хизмат кўрсатувчи ходимлар талаб 
этилмайди.