Наманган Мухандислик Педагогика Институти Касб таълими факультети

4.Iqtisodiy geografik rayonlarning asosiy ko’rsatkichlari 
 
1.Toshkent  (poytaxt)  iqtisodiy  rayoni.  Maydoni  15,6  ming  km2  (3,5%)1  va 
aholisi  4674,9 ming  kishi  (18,4%)2 (2007 y). 
O’zbekistondagi  iqtisodiy  jihatdan  eng  rivojlangan  industral-agrar  rayon. 
Mamlakat  yalpi  ichki  mahsuloti  qiymatining  23,8%  (Toshkent  shahriga-14,0%  va 
Toshkent  viloyatiga  9,8%)  to’g’ri  keladi.  Ko’mir  qazib  chiqarish  (Angren)  va  rangli 
metallar  qazib  chiqarish  va  uni  yeritish  (Olmaliq,  CHirchiq),  qora  metallurgiya 
(Bekobod),  mashinasozlik  (Toshkent  CHirchiq),  ximiya  (Toshkent,  CHirchiq, 
Olmaliq),  qurilish  materiallari  (Toshkent,  Ohangaron,  Angren,  CHirchiq),  Yengil 
(to’qimachilik,  poyabzal,  tikuvchilik),  oziq-ovqat  sanoati,  qog’oz  ishlab  chiqarish  va 
mahalliy  sanoat  rivojlangan.  Yuqori  malakali  ishchi  kuchi,  muhandis-texnik  xodimlar 
to’plangan.  Fan  (ilmiy-tadqiqot  institutlari,  tajriba-konsruktorlik  buyurolari, 
loyihalash  tashkilotlari)  va  madaniyat  markazi.  Bozor  munosabatlarining  rivojlanish 
jarayonida  xalqaro  andozalardagi  bank,  moliya-kredit  va  sug’o’rta  institutlari 
shakllandi.  Toshkent  shahri  (2,2  mln  ortiq  aholi yashaydi) mamlakat poytaxti, sanoat, 
ilm-fan,  madaniyat  hamda  Markaziy  Osiyodagi  eng  yirik  biznes,  bank-moliya 
markazidir. 
Qishloq  xo’jaligida  paxtachilik,  kanop  yetishtirish,  bog’-uzumchilik,  sabzavot-
polizchilik, 
ipakchilik, 
shahar 
atrofi 
xo’jaligi, 
sut-go’sht 
chorvachiligi, 
parrandachilik,  gulchilik  va boshqa tarmoqlar rivojlangan. 
2. 
Mirzacho’l  iqtisodiy  rayoni.  Maydoni  25,5  ming  km2  (5,7%) 
va  aholisi  17617,7  ming  kishi  (6,6%).  Agrar-industrial  rayon.  Mamlakat  yalpi  ichki 
mahsulotining  4,8%  to’g’ri  keladi.  (Sirdaryo  viloyatiga-2,0%,  Jizzax  viloyatiga-2,8% 
(2007  y)).  qishloq  xo’jaligidagi  asosiy  yo’nalish  paxtachilik  va  g’allachilik. 
SHuningdek,  bog’dorchilik-uzumchilik,  sabzavotchilik,  lalmikor  dehqonchilik  va 
chorvachilik  (qoramolchilik,  qo’ychilik,  yilqichilik)  rivojlangan.  Yirik  irrigatsiya-
melioratsiya  muhandislik  tuzilmalariga  ega. 
Mustaqillik  yillarida  sanoat  tez  rivojlanmoqda.  elektroenergetika,  mashinasozlik, 
qurilish  materiallari,  yengil  va  oziq-ovqat  sanoati  tarmoqlari  yetakchi  o’rin  tutadi. 
elektroenergetika  (SHirin  shahridagi  Sirdaryo  GRES),  oziq-ovqat,  yengil  va  qurilish 
materiallari  (Guliston),  qurilish  materiallari  va  yengil  sanoat  (Yangier),  yengil  va 
oziq-ovqat, ximiya korxonalari (G’allaorol, Paxtakor, Do’stlik, Gagarin va boshq), 30 
dan  ortiq  qo’shma  korxonalar  (Turkiya,  Suriya,  Buyuk  Britaniya,  Italiya,  Portugaliya 
va boshq) faoliyat  ko’rsatmoqda. 
Jizzax  viloyatining  tog’-tog’oldi  hududlaridagi  rekreatsion  (30  ming  ga  hududida 
tog’-o’rmon  qo’riqxonasi)  va  bol  neologik  resurslar  istiqbolda  sanatoriya-kurort 
xo’jaligi  va turizmni  rivojlantirish  imkonini  beradi. 
                                                 
 
 

---

 
122 
3.  Farg’ona  iqtisodiy  rayoni.  Maydoni  18,3  ming  km2  (4,1%)  aholisi  7530,3 
ming  kishi  (28,0%).  Iqtisodiy  jihatdan  rivojlangan  va  aholi  zich  joylashgan  rayon. 
Mamlakat  yalpi  ichki  mahsulotining  19,7%  (Andijon  viloyatiga  6,9%,  Namangan 
viloyatiga  4,3%,  Farg’ona  viloyatiga  8,5%,  2003y.)  to’g’ri  keladi.  g’oyat  qulay 
agroiqlimiy  omillar  sertarmoq,  intensiv  qishloq  xo’jaligini,  tabiiy  va  mehnat 
resurslari  (neft  ,  qurilish  materiallari  va  boshq.)  sanoat  tarmoqlarini  rivojlantirish 
imkonini  beradi. 
Farg’ona  iqtisodiy  rayoni  respublikadagi  sanoat  mahsulotlari  qiymatining  1/4, 
qishloq 
xo’jaligi  mahsulotlarining  1/3,  ekin  maydonlarining  1/5  qismini, 
invistitsiyalarning  17%,  tashqi  savdo  aylanmasining  12,0%,  yetishtirilgan  paxtaning 
30%,  donning  11,3%,  pillaning  10%,  kartoshkaning  30%  dan  ortig’ini  beradi.  Ayni 
vaqtda,  yirik  bog’dorchilik-uzumchilik,  sabzovotchilik  va  kartoshka  yetishtiruvchi, 
shuningdek, sut-go’sht chorvachiligi,  parrandachilik  rayoni  hamdir. 
Sanoatda  yengil  va  qishloq  xo’jaligi  mahsulotlarini  qayta  ishlovchi  sanoat 
korxonalari,  oziq-ovqat  sanoati  Andijon,  Namangan,  Farg’ona,  qo’qon,  Marg’ilon, 
Uchqo’rg’on,  Pop,  Asaka,  quva,  SHahrixon,  Beshariq  va  boshqa  shaharlarda 
rivojlangan. 
Energetika  sanoati  asosini  IES  (Farg’ona  IES,  qo’qon  IES  va  quvasoy  GRES) 
tashkil  qiladi.  Mustaqillik  yillarida  mashinasozlik  sanoatining  zamonaviy  tarmog’i-
avtomobilsozlik  yuzaga  keldi  va  Asaka  shahri  respublika  avtomobilsozlik  «poytaxti» 
ga 
aylandi. 
Iqtisodiy 
rayonda 
keng 
ko’lamda  avtomobilsozlik  sanoatini 
mahalliylashtirish  dasturi  amalga  oshirilmoqda.  (Asaka  avtomobil  zavodi  qurilishi 
1994  yil  boshlanib  1996  yil  o’z  mahsulotini  bergan.  Loyiha  quvvati  yiliga  250  ming 
dona turli  markadagi  yengil  avtomobillar  ishlab chiqarish quvvatiga  ega). 
Ximiya  sanoati  (Farg’ona,  Andijon,  qo’qon),  tsement,  shifer,  oyna  kabi  qurilish 
materiallari  ishlab  chiqarish  (quvasoy  shahrida),  neftni  qayta  ishlash  sanoati  (Oltiariq 
va Farg’ona shaharlarida)  rivojlangan. 
Mustaqillik  yillarida  xorij  investitsiyasi  ishtrokida  100  dan  ortiq  qo’shma 
korxonalar barpo etildi. Jumladan, Asaka shahridagi «O’zDEU», Xonobod shahridagi 
«Xon-Bugdo»,  SHahrixondagi «Anteks», Kosonsoyda «Kosonsoy-Tekmen», Popda 
«Pop-Fen»,  Namanganda  «Silk-Road»,  «Asnam-Tekstil»,  Dang’arada  «Beshtov», 
Qo’qonda «Qo’qon mebel », Farg’onada «O’zsalaman» va boshq.  Farg’ona-
Marg’ilon,  Andijon  -Asaka  sanoat  rayonlari,  Namangan,  Qo’qon,  Quvasoy, 
SHaxrixon, CHust, Uchqurg’on, Kosonsoy, Xonobod va boshq. sanoat tugunlari  jadal 
rivojlanmoqda. 
Iqtisodiy  rayonda  zamonaviy  avtomobil  va  temir  yo’llar  rivojlangan.  Toshkent-
Andijon-O’sh-Qashg’ar  xalqaro  avtomobil  yo’llarining  qurilishi  mamlakatning 
barcha viloyatlari  bilan  aloqalar  olib borish imkoniyatini  kengaytirdi. 
Tashqi  savdo,  ishlab  chiqarish  va  noishlab  chiqarish  infratuzilmalari 
kengaymoqda. 
4.  Samarqand  iqtisodiy  rayoni.  Samarqand  viloyati  maydoni  16,8  ming  km2 
(3,7%),  aholisi  2978,8  ming  kishi  (11,0%).  Samarqand  viloyati  iqtisodiy  jihatdan 
rivojlangan  rayon  bo’lib,  mamlakat  yalpi  ichki  mahsulotining  6,2%  (2007  y),  sanoat 
mahsuloti  qiymatining  5,6%, qishloq xo’jaligi 
mahsuloti  qiymatining 
11,3%, 

---

 
123 
investitsiyalarning 
5,7%,  qo’shma  korxonalarning  3,5%  va  tashqi  savdo 
aylanmasining  4,0% to’g’ri keladi. 
Samarqand  viloyati  yirik  qishloq  xo’jaligi  rayonidir.  Qishloq  xo’jaligida 
dehqonchilik  bosh  soha  va  sertarmoq  bo’lib,  paxtachilik,  g’allachilik,  tamakichilik, 
bog’dorchilik  va  uzumchilik,  sabzovot-poliz-kartoshkachilik  rivojlangan.  qariyb 
327,7  ming  ga  dan  ortiq  yerga  dehqonchilik  qilinadi  (2008  y),  200,0  ming  ga  dan 
ortiq  yerga  donli  ekinlar,  100,0  ming  ga  yerga  texnika  ekinlari  (paxta,  tamaki,  qand 
lavlagi)  va  boshqa  oziq-ovqat  va  yem-xashak  ekinlari  eqiladi.  Tamaki  asosan  Urgut 
tumanida  yetishtiriladi.  2003  yil  235  ming  t  paxta,  700,0  ming  t  g’alla,  20-25  ming  t 
tamaki  va boshqa dehqonchilik  mahsulotlari  yetishtirildi. 
CHorvachilikda  qoramolchilik  (1863,5  ming  bosh),  qo’y  va  echkichilik  (1,0  mln 
dan  ortiq),  cho’chqachilik  (11,3  ming),  parrandachilik  (2,4  ming  bosh)  yetakchi 
sohalardir.  Yiliga  125,2  ming  t  go’sht  (tirik  vaznda),  518,5  t  sut  va  boshqa 
mahsulotlar  ishlab  chiqariladi.  qorako’l  qo’ylari  Karnopcho’l  yaylovlarida  boqiladi. 
SHuningdek,  ipakchilik  (1,6-1,7  ming  t  pilla),  baliqchilik,  asalarichilik  ham  muhim 
o’rin tutadi. 
Sanoatda  yengil,  oziq-ovqat,  qurilish  materiallari,  mashinasozlik  (maishiy 
mashinasozlik,  avtomobillar  ishlab  chiqarish),  ximiya,  chinni-fayans  kabi  tarmoqlar 
tez  rivojlanib  bormoqda.  Samarqand  shahrida  yengil  (ipak-gazlamalar,  ip-gazlama 
matolari,  trikotaj,  paypoq,  poyabzal),  mashinasozlik  (lift,  sovutgich),  yuk 
avtomobillari,  avtobuslar,  ximiya  (mineral  o’g’itlar),  oziq-ovqat  (konserva,  tamaki, 
vino,  choy  va  boshq.),  chinni-fayans,  Kattaqo’rg’on  shahrida  oziq-ovqat  (yog’-
ekstrakt va boshq.) mashinasozlik,  paxta tozalash, yengil  sanoat korxonalari  mavjud. 
Viloyatda  125  ga  yaqin  qo’shma  korxonalar  («Sam  Koch  Avto»,  «Samarqand 
Neyshnl  Amerika»,  «UzBat» va boshq.) barpo etilgan. 
Turizm  viloyat  iqtisodiyotidagi  istiqbolli  tarmoq.  Samarqand  shahrida  xalqaro 
andozalarga  javob  beruvchi  mehmonxonalar  majmuasi  barpo  etilgan.  Yiliga  100 
mingga  yaqin  (40,0  ming  xorijiy  )  sayyohlar  Samarqandning  betakror  tarixiy 
obidalari  bilan  tanishmoqdalar.  Sayyohlarga  20  dan  ortiq  mehmonxonalar  (16  tasi 
xususiy) xizmat  ko’rsatadi. 
SHuningdek,  ijtimoiy  sohalar va bozor infratuzilmalari  tez rivojlanmoqda. 
5.  Buxoro-Navoiy  iqtisodiy  rayoni.  Maydoni 151,3 ming km2 (33,1%) va aholisi 
2379,0  ming  kishi  (8,8%).  Iqtisodiy  rayon  tarkibiga  Buxoro  va  Navoiy  viloyatlari 
kiradi.  Iqtisodiy  rayon  mamlakat  xo’jalik  tizimida  muhim  o’rin  tutadi.  Mamlakat 
yalpi  ichki  mahsuloti  qiymatining  11,4%  (Buxoro  viloyati  6,1%  va  Navoiy  viloyati 
5,3%),  sanoat  mahsuloti  qiymatining  16,4%,  qishloq  xo’jaligi  mahsuloti  qiymatining 
11,7%,  investitsiyaning  10,1%,  qo’shma  korxonalarning  2,1%  va  tashqi  savdo 
aylanmasining  11,6% i shu rayon hissasiga to’g’ri keladi. 
Iqtisodiy  rayon  tabiiy  resurs  salohiyati  yuqori  bo’lib,  tabiiy  gaz,  neft  , 
qimmatbaho  metallar  (oltin),  qurilish  materiallariga  boyligi  va  yaylov  chorvachiligi 
rivojlanganligi  bilan  ajralib  turadi. 
Qishloq  xo’jaligida  paxtachilik,  g’allachilik,  sabzavotchilik,  bog’dorchilik  va 
uzumchilik,  chorvachilikda  qorako’lchilik,  pillachilik  yetakchi  soha.  Buxoro 
viloyatida  intensiv  sug’orma  dehqonchilik  Buxoro-qorako’l  vohasida  rivojlangan, 
katta  hududda  yaylov  chorvachiligi  asosiy  o’rin  tutadi  (qishloq  xo’jaligi  ishlab 

---

 
124 
chiqarishida  dehqonchilik  hissasi  55,4%  va  chorvachilik  hissasi  44,6%).  Navoiy 
viloyatida  esa  dehqonchilikka  nisbatan  chorvachilik  ustun  rivojlangan  bo’lib,  qishloq 
xo’jalik  mahsulot  qiymatining  deyarli  64%  chorvachilik  va  36%  dehqonchilikka 
to’g’ri keladi. 
Sug’orma  dehqonchilikda  Amu-Buxoro,  Amu-qorako’l  mashina  kanallari  (200 
dan  ortiq  nasos  stantsiyalari)  va  boshqa  kanallar  katta  o’rin  tutadi.  Iqtisodiy  rayon 
o’zining  qorako’l  terilari  bilan  dunyoga  mashhur.  London,  Sankt-Peterburg  xalqaro 
auktsionlarida 
yuqori 
baholanadi. 
SHuningdek, 
go’sht-sut 
chorvachiligi, 
cho’chqachilik va parrandachilik  rivojlangan. 
Sanoatda  energetika,  tog’-kon  sanoati,  tog’-metallurgiya,  ximiya,  neftni  qayta 
ishlash,  qurilish  materiallari  sanoati,  Yengil  va  oziq-ovqat  sanoati,  mahalliy  sanoat 
(zardo’zlik),  teri-poyabzal  tarmoqlari  muhim  o’rin  tutadi.  energetika  (Navoiy  GRES), 
tog’-kon (Uchquduq g’azg’on, Muruntov va boshq.), tog’-metallurgiya (Navoiy tog’-
metallurgiya  kombinati),  ximiya  (Navoiy  azot  chiqarish  birlashmasi),  neftni  qayta 
ishlash  (Buxoro-qoravulbozor  neftni  qayta  ishlash  zavodi),  qurilish  materiallari 
sanoati  (Navoiy  tsement,  Buxoro  va  Kogon  o’tga  chidamli  g’isht  ishlab  chiqarish va 
boshq.),  Yengil  sanoatning  muhim  tarmog’i  paxta  tozalash  korxonalari  (Vobkent, 
SHofirkon, G’ijduvon, Qorako’l, Olot, Navoiy, Zarafshon, Konimex, Yangiobod), ip-
gazlama,  shoyi-gazlama  trikotaj,  poyabzal  korxonalari  (Buxoro,  Qorako’l,  Navoiy), 
oziq-ovqat  korxonalari  (Buxoro,  Navoiy,  Zarafshon,  Kogon,  Qorako’l),  mahalliy 
sanoat, 
ayniqsa-zardo’zlik, 
zargarlik, 
misgarlik, 
o’ymakorlik 
kashtachilik, 
pichoqchilik  va  boshqa  kasanachilik  turlari  (Buxoro,G’ijduvon,  Navoiy  va  boshq.) 
rivojlangan. 
Mustaqillik  yillarida  iqtisodiy  rayonda  100  ga  yaqin  qo’shma  korxonalar  barpo 
etildi.  Navoiy  viloyatida  AQSH  bilan  hamkorlikda  «Zarafshon  N’yumont», 
Qizilqum-Rus-Nur»,  «Qizilqum  tsement»,  Buxoro  viloyatida,  «Qorako’l  teks» 
«Romsib», «Buxoroteks», «Transfrukt», «Medeteks», «Mramor», va boshq. ko’plab 
qo’shma  korxonalar  ishlab  chiqarish  kuchlarini  rivojlanishi  va  eksport  salohiyatining 
oshishida sezilarli  o’rin tutmoqda. 
Xizmat  ko’rsatish  sohalari  kengaymoqda,  ijtimoiy  sohalar,  bozor  infratuzilmalari 
jadal  rivojlanmoqda.  Buxoro  shahri  (1000  ga  yaqin  me’moriy  yodgorlik  bor) 
mustaqillik  yillarida  yirik  turistik  markazga  aylandi  va  har  yili  minglab  xorijlik  va 
mahalliy  sayyohlar tashrif  buyuradi. 
6.  Qashqadaryo  iqtisodiy  rayoni.  Maydoni  28,6  ming  km2  (6,4%),  aholisi 
22484,2  ming  kishi  (9,2%).  Tarkibiga  Qashqadaryo  viloyati  kiradi.  Iqtisodiy  rayonga 
respublika  yalpi  ichki  mahsulotining  7,1%  (2007  y),  sanoat  mahsuloti  qiymatining 
8,3%,  qishloq  xo’jaligi  mahsuloti  qiymatining  7,2%,  xalq  iste’mol  mollari  ishlab 
chiqarishning  5,5%,  investitsiyalarning  16,9%,  savdo  aylanmasining  5,9%  va  tashqi 
iqtisodiy aloqalar  aylanmasining  5,6% to’g’ri keladi. 
Respublika  mehnat  taqsimotida  neft  va  tabiiy  gaz  qazib  chiqarish,  gaz-ximiya, 
Yengil  va  oziq-ovqat  sanoati,  qishloq  xo’jaligida  -  paxtachilik,  g’allachilik, 
uzumchilik,  poliz  va sabzavot, chorvachilik (qorako’l qo’ylari 1,2 mln boshdan ortiq) 
mahsulotlari  (go’sht,  jun,  qorako’l  terilari,  sut,  tuxum,  pilla)  yetishtirish  bilan  ajralib 
turadi. 

---

 
125 
Iqtisodiy  rayon  Respublikada  eng  yirik  qishloq  xo’jaligi  rayonlaridan  biri. 
Dehqonchiliq  tizimida  irrigatsiya  kanallari  (qarshi,  Moskva,  Sandal  va  boshq.),  suv 
omborlari  (Tallimarjon,  CHimqo’rg’on,  Hisorak,  qizilsuv  va  boshq.),  yirik  nasos 
stantsiyalari  (6  ta)  katta  o’rin  tutadi  va  250  ming  ga  yer  (qarshi  cho’lida) 
o’zlashtirilgan. 
Qurilish  materiallari  sanoati,  Yengil  va  oziq-ovqat  sanoati  (qarshi),  Yengil  va 
oziq-ovqat,  mahalliy  sanoat  (SHahrisabz),  energetika  (Muborak  IEM  va  Tollimarjon 
IES),  gaz-ximiya  majmuasi  (SHo’rtan,  Muborak),  oziq-ovqat  (Koson,  Kitob, 
CHiroqchi  va  boshq.),  neft  qazib  chiqarish  (Ko’kdumaloq),  paxta  tozalash,  g’isht 
zavodi,  oziq-ovqat  va  Yengil  sanoat  korxonalari  (qamashi,  CHiroqchi  va  boshqa 
tuman markazlarida)  rivojlangan. 
Xorijiy  davlatlar  bilan  hamkorlikda  qo’shma  korxonalar  (40  ga  yaqin)  qurilishi 
kengaymoqda.  qo’shma  korxonalar  asosan  qarshi,  SHahrisabz  shaharlari  va 
Muborakda  qurilgan.  Ularning  eng  yiriklari  «Aziya  Treyding»,  «o’zinter-biznes», 
«qarshiteks» va boshq. 
Iqtisodiy 
rayonda 
yoqilg’i-energetika 
resurslari 
qazib 
olish 
(neft 
va 
tabiiy 
gaz), 
qishloq 
xo’jaligi 
mahsulotlari 
yetishtirish 
va 
qayta 
ishlash 
rivojlangan 
va 
qulay 
investitsion 
muhit 
shakllanib 
bormoqda 
(ayniqsa 
yoqilg’i- 
energetika  va yengil  sanoatda). 
7.  Surxondaryo  iqtisodiy  rayoni,  Maydoni  20,1  ming  km2  (4,5%)  va  aholisi 
1974,2  ming  kishi  (7,1%).  Surxondaryo  iqtisodiy  rayoni  tarkibiga  Surxondaryo 
viloyati  kiradi.  Mamlakatning  janubida  joylashgan.  Iqtisodiy  rayon  mamlakat 
iqtisodiyotida  paxta  (ingichka  tolali  paxta),  subtropik  mevachilik,  yertangi 
sabzavotlar  yetishtirish,  ko’mir  (SHorg’un),  osh  tuzi  (Xo’jaikon),  polimetall 
(Sangardak),  qisman  neft  ,  Yengil  va  oziq-ovqat  sanoati  rivojlanganligi  bilan  ajralib 
turadi.  Iqtisodiy  rayon  hissasiga  respublika  yalpi  ichki  mahsulotining  2,3%,  xalq 
iste’mol  mollari  ishlab  chiqarishning  3,1%,  qishloq  xo’jaligi  mahsulotining  8,5%, 
investitsiyalarning  3,4%,  savdo  aylanmasining  4,2%  va  tashqi  savdo  aylanmasining 
1,7% to’g’ri keladi. 
Qishloq  xo’jaligining  asosiy  tarmoqlari-  paxtachilik,  g’allachilik,  bog’dorchilik 
va  uzumchilik,  tsitrus  mevalar  (limon,mandarin),xurmo,sabzavot-poliz-kartoshka 
yetishtirish,  shuningdek,  lalmikor  dehqonchilik  (bug’doy  va  arpa),  chorvachilikda-
qoramolchilik,  qo’ychilik  (qorako’l  va  hisor  dumbali  qo’ylar),  echkichilik, 
yilqichilik,  parrandachilik  va darrandachilik   rivojlangan. 
Dehqonchilik  sun’iy  sug’orishga  asoslangan  bo’lib,  yirik  suv  omborlari 
(Uchqizil,  Degrez,  Janubiy  Surxon,  To’palang  va  boshq.)  va  kanallar  (Hazorbog’, 
Qumqo’rg’on,  Zang,  Katta  Hisor,  SHerobod,  Amu-Zang kanallari va boshq.) muhim 
iqtisodiy-ijtimoiy  ahamiyatga  ega. 
Sanoatda  yengil  (paxta  tozalash,  ip-gazlama,  shoyi-gazlama,  trikotaj,  tikuvchilik, 
poyabzal,  oziq-ovqat  (un  va  un  mahsulotlari,  vino-likyor,  meva  sharbatlari,  meva 
konservalari,  sut  va  sut  mahsulotlari,  yog’-moy  va  boshq),  mahalliy  sanoat 
(hunarmandchilik,  kulolchilik,  gilam  to’qish,  beqasam  va  boshq.),  shuningdek, 
qurilish  materiallari  sanoati,  mustaqillik  yillarida  esa  dori-darmonlar  ishlab  chiqarish 

---

 
126 
ham  rivojlanib  bormoqda.  Sanoat  korxonalari-Termiz,  Denov,  Boysun,  Jarqo’rg’on, 
Qumqo’rg’on, SHorg’un, SHerobod va SHo’rchi shaharlarida  joylashgan. 
Mustaqillik  yillarida  20  dan  ortiq  qo’shma  korxonalar  ishga  tushirildi.  Ular 
orasida  Termiz  shahridagi  «Ajanta»  o’zbek-hind  farmatsevtika  mahsulotlari, «Po’lat» 
gilam  va poloslar ishlab  chiqaruvchi korxonalar  alohida  o’rin tutadi. 
Xizmatlar  ko’rsatish,  ijtimoiy  sohalar  va  bozor  infratuzilmalarining  jadal 
rivojlanib  borishi  shahar  va  qishloqlar  ijtimoiy-iqtisodiy  qiyofasining  o’zgarishiga 
olib kelmoqda. 
8.  Quyi  Amudaryo  iqtisodiy  rayoni.  Maydoni  172,7  ming  km2  (38,4%)  va 
aholisi  3084,7  ming  kishi  (11,5%).  Tarkibiga  Qoraqalpog’iston  Respublikasi 
(maydoni  166,59  ming  km2,  aholisi  1593,8  ming  kishi)  va  Xorazm  viloyati  (6,05 
ming  km2,  aholisi  1370  ming  kishi)  kiradi.  Iqtisodiy  rayon  mamlakatning  shimoli-
g’arbiy  qismiga  joylashgan  bo’lib  yirik  qishloq  xo’jaligi  (paxtachilik,  g’allachilik 
(don  va  sholi),  polizchilik  (mashhur  Xorazm  qovunlari),  ipakchilik,  bog’-uzumchilik 
va  chorvachilik (qoramolchilik va qorako’l qo’ylari va boshq.), Yengil va oziq-ovqat, 
qurilish  materiallari  sanoati  rivojlangan.  Tabiiy  resurslarga  (istiqbolli  neft  va  tabiiy 
gaz,  rangli  metallar,  qimmatbaho  metallar,  tog’-ximiya  xom-ashyolari  (fosforit  va 
boshqa  tuzlar),  qurilish  materiallari)  boyligi  bilan  ajralib  turadi.  Ayni  vaqtda, 
Markaziy  Osiyodagi  eng  murakkab  ekologik  vaziyat  (Orol  va  Orolyoni  xududlari) 
yuzaga  kelgan  hudud.  Iqtisodiy  rayonga  mamlakat  yalpi  ichki  mahsulotining  6,1% 
(Qoraqalpog’iston  Respublikasi-2,4%  va  Xorazm  viloyati  3,7%),  sanoat  mahsuloti 
qiymatining  4,5%  (mos  ravishda  1,7  va  2,8%),  qishloq  xo’jaligi  mahsuloti 
qiymatining  8,85%  (  2,65  va  6,2%),  investitsiya  hajmining  8,8%  (5,2%  va  3,6%) 
savdo aylanmasining  3,3% (1,8 va 1,5%) to’g’ri keladi. 
Qoraqalpog’iston  Respublikasi  qishloq  xo’jaligi  ishlab  chiqarishida  chorvachilik 
ulushi  57,2%  va  dehqonchilik  ulushi  42,8%  iborat.  CHorvachilik  go’sht  yo’nalishida 
bo’lib,  yaylov  va  to’qayzorlarda  qorako’l  qo’ylari  boqiladi.  SHuningdek, 
qoramolchilik,  cho’chqachilik,  echkichilik  va  parrandachilik,  yilqichilik  rivojlangan. 
Dehqonchilikda  -  paxtachilik,  sholichilik,  sabzavotchilik  sohalari,  ayni  vaqtda, 
polizchilik,  bog’dorchilik  va  uzumchilik  ham  rivojlangan.  Mamlakatdagi  beda  urug’i 
yetishtiriladigan  rayon.  Irrigatsiya  kanallari  (Paxtaarna,  qirqqiz,  ellikqal’a,  qizketken, 
Kecheyli  va  boshq.),  kollektor-drenaj  tizimlari  (20  ming  km  ga  yaqin)  muhim  rol 
o’ynaydi. 
Sanoatda  -  elektrotexnika,  qurilish,  oziq-ovqat,  yengil  sanoat  (to’qimachilik), 
shisha-forfor  tarmoqlari  rivojlangan.  Mustaqillik  yillarida  sanoat  tarmoqlarini 
rivojlantirishiga  ustivor  yo’nalish  sifatida  qaralishi  tufayli  yangi-yangi  sanoat 
korxonalari  yuzaga  kelmoqda.  Yirik  sanoat  markazi  Nukus  (qurilish  materiallari, 
yengil  va  oziq-ovqat  sanoati),  Taxiatosh  energetika  sanoati  (Taxiatosh  IES),  Xo’jayli 
(shisha zavodi, paxta tozalash zavodi, yengil sanoat), qo’ng’irot (sanoat sodasi ishlab 
chiqarish)  va  ellikqal’a,  CHimboy,  Beruniy  shaharlarida  rivojlanib  bormoqda. 
Qoraqalpog’iston  Respubulkasida  20  ga  yaqin  qo’shma  korxonalar  («Kateks», 
«Elteks Osiyo-Veet», «Turon» va boshq.) barpo etilgan. 
Mustaqillik  yillarida  ijtimoiy  sohalar,  xizmat  ko’rsatish  sohalari,  bozor 
infratuzilmalarining  jadal  rivojlanishi  muhim  ijtimoiy-iqtisodiy  o’zgarishlarga  olib 
kelmoqda.  Orol  va  Orol  yoni  ekologik  vaziyatini  tubdan  yaxshilash  borasida 

---

 
127 
O’zbekiston  hukumati  katta  amaliy  tadbirlarni  amalga  oshirmoqda.  Respublikada 
ishlab  chiqaruvchi  kuchlarni  rivojlantirish  istiqboli  yangi  tabiiy  resurslar-Ustyurtdagi 
neft  ,  tabiiy  gaz  va  boshqa  qazilmalarni  o’zlashtirish,  ishlab  chiqarish 
infratuzilmalarini  (temir  yo’l va avtomobil yo’llari)  rivojlantirish  bilan  bog’liq. 
Xorazm  viloyati  mamlakat  mehnat  taqsimotida  paxta  va  sholi  yetishtirish,  yengil 
va  oziq-ovqat  sanoati  rivojlanganligi  bilan  ajralib  turadi.  qishloq  xo’jaligida 
dehqonchilik 
yo’nalishi  paxtachilik,  sholichilik,  sabzovotchilik,  chorvachilik 
parrandachilik,  (qorako’l  qo’ylari),  echkichilik,  darrandachilik,  cho’chqachilik 
yetakchi  sohalardir.  Qishloq  xo’jaligida  bozor  islohotlari  rivojlanib  bormoqda. 
Sug’orish  kanallari  (Toshsaqa,  Polvon,  G’azavot,  SHovot,  Urgancharna  va  boshq.), 
suv  omborlari  (Tuyamo’yin)  qurilgan.  Yerlarning  meliorativ  holatini  yaxshilash 
sohasida katta ishlar  amalga  oshirilmoqda. 
Mustaqillik  yillarida  sanoat  tarmoqlari  ayniqsa,  Yengil  va  oziq-ovqat  sanoati  tez 
rivojlandi.  Urganchda  -  to’qimachilik,  yog’-moy,  qurilish  materiallari,  qishloq 
xo’jaligi  texnikalarini  ta’mirlash  korxonalari,  Gurlanda-to’qimachilik,  oziq-ovqat, 
Xonqada  -  gilam  to’qish,  paxta  tozalash  korxonalari,  Bog’otda-shisha  idishlar  ishlab 
chiqarish zavodi, Xozaraspda shakar zavodi faoliyat  ko’rsatmoqda. 
Xorijiy  investitsiya  ishtirokida  qo’shma  korxonalar  («Doritil  LTD»,  «Meva», 
«O’zximvent»,  «Aloqa  DEU»,  «Gurlantekstil»  va  boshq.)  barpo  etilgan  bo’lib, 
viloyatning  sanoatlashuvida  muhim  o’rin tutmoqda. 
Xorazm  viloyatida  ochiq  muzey  shahar-Xiva  xalqaro  turizmni  rivojlantirishning 
istiqbolli  imkoniyatlariga  egadir.  Mustaqillik  yillarida  xizmat  ko’rsatish  sohalari, 
ijtimoiy  sohalar,bozor infratuzilmalari  jadal  rivojlanib  bormoqda.