Ўзбекистон Республикасининг Конституцияси

XIX боб. Ўзбекистон Республикасининг Президенти 
Олдинги
 таҳрирга қаранг. 
89-модда. 
Ўзбекистон Республикасининг Президенти давлат бошлиғидир ва давлат 
ҳокимияти органларининг келишилган ҳолда фаолият юритишини ҳамда ҳамкорлигини 
таъминлайди. 
(89-модда Ўзбекистон Республикасининг 2007 йил 11 апрелдаги ЎРҚ-89-сон 
Қонуни 
таҳририда — ЎР ҚҲТ, 2007 й., 15-сон, 152-модда) 
Олдинги
 таҳрирга қаранг. 
90-модда. 
Ўзбекистон Республикаси Президенти лавозимига ўттиз беш ёшдан кичик 
бўлмаган, давлат тилини яхши биладиган, бевосита сайловгача камида 10 йил Ўзбекистон 
ҳудудида муқим яшаётган Ўзбекистон Республикаси фуқароси сайланиши мумкин. Айни 
бир шахс сурункасига икки муддатдан ортиқ Ўзбекистон Республикасининг Президенти 
бўлиши мумкин эмас.
Олдинги
 таҳрирга қаранг. 
Ўзбекистон Республикасининг Президенти Ўзбекистон Республикасининг 
фуқаролари томонидан умумий, тенг ва тўғридан-тўғри сайлов ҳуқуқи асосида яширин 
овоз бериш йўли билан беш йил муддатга сайланади. Президентни сайлаш тартиби 
Ўзбекистон Республикасининг 
қонуни
 билан белгиланади.
(90-модданинг иккинчи қисми Ўзбекистон Республикасининг 2011 йил 12 декабрдаги 
ЎРҚ-305-сонли 
Қонуни
таҳририда — Олий Мажлис палаталарининг Ахборотномаси, 2011 й., 
12/1-сон, 343-модда) 
91-модда. 
Президент ўз вазифасини бажариб турган даврда бошқа ҳақ тўланадиган 
лавозимни эгаллаши, вакиллик органининг депутати бўлиши, тадбиркорлик фаолияти 
билан шуғулланиши мумкин эмас. 
Президентнинг шахси дахлсиздир ва қонун билан муҳофаза этилади. 
 LexUZ шарҳи 
«Ўзбекистон Республикаси Президенти фаолиятининг асосий кафолатлари 
тўғрисида»ги 
Қонунга
 ва Ўзбекистон Республикаси Жиноят кодексининг 
158-моддасига 
қаранг.