Microsoft Word Jahon tarixi rasmsiz pechat varianti doc

nasihatnomasi” (344 - sonli Leyden papirusi matni) va Sankt - 
Peterburgdagi Ermitajda saqlanayotgan “Noferrexu 
nasihatnomasi”da o‘zining yorqin ifodasini topgan. “Ipuser 
nasihatnomasi” asarining muallifi yirik mansabdor kishi bo‘lib, u 
xalq ommasining harakatiga nafrat va salbiy nazar bilan qaragan.  
 
E’tibor bering! 
Ipuserdagi ma'lumotlarga qaraganda kambag‘al va qullar 
zodagon va a'yonlarga qarshi bosh ko‘targanlar. Quyida undan bir 
parcha keltirilgan: “Nasl-nasabi bo‘lmagan kishilar endi 
zodagonlardan farq qilmaydilar. Hokimlarning bolalari 
qo‘zg‘olonchilar qo‘liga asir tushgan. Ularni urib kaltaklaganlar va 
boshlarini devorga urib majaqlaganlar. Podsho va badavlat 
kishilarning mol-mulklari batamom taqsimlangan. Yer haydashga 
ho‘kizi va omochi bo‘lmagan dehqon endilikda butun bir podaga, 

---

 
 
73
boshpanasi bo‘lmagan kishilar hashamatli turar joylarga ega 
bo‘lgan. Bitta ham qayig‘i bo‘lmagan kishilar butun bir kemalar 
flotiga egalik qilgan. Bir vaqtlar bashang kiyingan kishilar endilikda 
juldur kiyimda yuradigan bo‘lgan. Cho‘rilar bo‘yinlariga oltin, 
kumush va asl toshlardan ishlangan zeb-ziynat buyumlarini taqib 
olgan, zodagon ayollar esa och yurgan. Qo‘zg‘olonchilar sud idorasi 
va mahkamalarga bostirib kirib, unda saqlanayotgan hujjatlar, soliq 
ro‘yxatlarini ko‘chalarga uloqtirib, mayda-mayda qilib yirtib 
tashlaganlar. Ular podsho saroyiga hujum qilib, podshoni ko‘chaga 
haydab yuborganlar. Mamlakat boshliqlari qochib jon saqlaganlar, 
amaldorlar esa o‘ldirilgan. Qullar quldorlarga aylangan. Bu 
baxtsizlik qalbimni tilka-pora qilmoqda. Oh, bu zamonning azob-
uqubatlari men uchun naqadar qayg‘uli”. Ipuser qo‘zg‘olonning 
qancha vaqt davom etgani va qanday bostirilgani haqida ma'lumot 
keltirmagan. Ipuser qo‘zg‘olonni tasvirlar ekan, shunday deydi, - 
“Mansablar endi yo‘q. Odamlar cho‘ponsiz hurkigan podaga 
o‘xshaydi.” 
Qabila nomi bo‘lmish “giksos” so‘zi cho‘l 
mamlakatlarining