Alisher Navoiy 1 library ziyonet uz

Hofiz Jaloliddin Mahmud — «Ixlosiya» xonaqohining shayxidur va «Qudsiya» masjidi 
jomeining xatib va imomi va yaxshi mehrobxon hofizdur. She’r va muammo aytur va xatni 
yaxshi bitir. Muncha salohiyatni bot kasb qildi. «Ixlosiya» madrasasigʻa kelganda 
nomavzun ham tashlar edi. Emdi ham yongilib hamul tariyqni masluk tutsa ajab emas, 
nechunkim, ham shayxdur va ham xatib va ham imom. Bu matla’ aningdurkim: 
Masih agar shunavad yak takallum az dahanash, 
Digar zi sharm naboshad majoli dam zadanash
(55)
. 
Mavlono Pomiy — sabzavorliqdur. Insho bila noma xatin biturga mashhurdur. Ammo 
inshoda hech munshi oni begonmas, batahsis Mavlono Abdulvose’
(56)
 va «noma» xatida 
hech hushnavis oni pisand qilmas, xususan Shayx Abdullo Devona va Xojai Dehdorki
(57)
, 
hazrat podshoh majlisida nadimlik yuzidin koʻp elni taqlid va tashbih qilur mustahsan 
tushar. Mavlononing takallumida bir hol borkim, ani anga tashbih qilibtur, sobun 
chaynaydur va ogʻzidin magʻzoba zohir boʻladur va takallumni ham taqlid qilurda 
ikkalasin ahli idrok koʻp tahsin qilurlar. Bu matla’ aningdurkim: 
Lofad ba xatat nofa zihi besaru poi, 
Gʻammozi siyah botini mo dar baxatoi
(58)
. 
Ba ba’zi zurafo derlarkim, Xoja Dehdor uchun bu matla’ni aytibdur, nechunkim xeyli 
munosabati bor va yiroq ham emaskim, chin aytadur ermish boʻlgʻaylar (vallohu a’lam).