Ызбекистон республикаси олий ва

2.3. Yog’och qatlamli plastiklar. 

Qatlamli  yog‘och  plastiklar  (ДСП)  rezol  holatidagi  fenolformaldegid 

smolaning  spirtdagi  yoki  suvdagi  eritmasi  singdirilgan  va  qalinligi  0,55  millimetr 

bo‘lgan  qayin  shponlarini  140-150°С  temperaturada  150  kg/sm

2

  gacha  press  ostida 

presslab yopishtirib yasalgan plitalardir. 

ДСП  ning  hajmiy  og‘irligi  1,23  dan  1,33,  g/sm

2

  gacha,  tolalar  bo‘ylab 

cho‘zilishga chidamliligi 100 dan 300 kg/sm

2

, siqilishga chidamliligi 1000 dan 1850 

kg/sm

2

 gacha, egilishga chidamliligi 840 dan 2800 kg/sm

2

 gacha. 

ДСП  uzunligi  700  dan  5600  mm  gacha,  eni  800  dan  1200  mm  gacha  va 

qalinligi  1  dan  60  mm  gacha  bo‘lgan  listlar  va  plitalar  holida  chiqariladi.  Ularning 

nominal  uzunligi  va  enidan  ±25  mm,  qalinligidan  (har  plitaning  qalinligiga  qarab) 

±0,2 dan ±2,0 mm gacha chetga chiqishga yo‘l qo‘yiladi. 

ДСП  dan  mashina  detallari:  podshipniklar,  vtulkalar,  tishli  g‘ildirak 

vkladishlari  yasaladi,  kamdan-kam  hollardagina  devorning  tashqi  sirtiga  qoplash 

uchun  ishlatiladi.  Yog‘ochni  yo‘nib,  qirqib,  arralab  va  hokazo  ishlaydigan  kesuvchi 

asboblarning hammasi plastiklar uchun ham yaraydi. 

Faner  plitalar  –  ma’lum  qalinlik  va  konstruksiyadagi  yelimlangan  qatlam-

qatlam  yog‘ochdan iborat. Faner plitalar bir-biriga sintetik yelim bilan bosim ostida 

yopishtirilgan yetti va undan ortiq shpon qatlamidan iborat bo‘ladi. 

Faner plitalar (ГОСТ 8673-88) ПФ-A, ПФ-Б va ПФ-В markalarga ajratiladi. 

ПФ-A  markali  plitada  shponning  yonma-yon  qatlamidagi  yog‘och  tolasining 

yo‘nalishlari  o‘zaro  perpendikulyar  bo‘ladi.  Bu  tipdagi  plitalar  qoplamasiz  va  bir 

yoki ikki tomonlama qoplamali qilib tayyorlanadi; ulardan vagonsozlikda va qishloq 

xo‘jalik  mashinasozligida  ko‘proq  foydalaniladi.  ПФ-A  markali  plitalarning 

o‘lchamlari:  uzunligi  1525±5;  1220±4  mm;  eni  1525±5;  1220±4  mm;  qalinligi  15, 

20, 25, 30, 45 mm. 

ПФ-Б  markali  plitalarda  yog‘och  tolalari  yo‘nalishiga  parallel  bo‘lgan 

shponning  har  besh  qatlamidan  keyin  ko‘ndalang  yo‘nalishdagi  bitta  shpon  qatlami 

keladi.  Plitaning  har  ikki  tomonidagi  shpon  qatlamlari  soni  teng  bo‘ladi;  ПФ-Б 

markali plitalarning o‘lchamlari: uzunligi 1525±5 mm; eni 1525±5 mm;1220±4 mm; 

qalinligi  35,  40,  45,  53,  62,  68,  78  mm.  Bu  tipdagi  plitalar  qishloq  xo‘jalik 

mashinasozligi hamda avtoqurilishda ishlatiladi. 

ПФ-В plitalaridagi hamma shpon qatlamlari yog‘och tolasiga nisbatan parallel 

joylashgan, faqat markaziy, shponlar tolasi yog‘och tolasiga nisbatan perpendikulyar 

joylashgan.  ПФ-В  plitalarining  o‘lchamlari:  uzunligi  2200,  1830,  1525±5  1220±5 

mm;  eni  1525±mm;  1220±4  mm;  qalinligi  8,  12,  15,  22,  26,  30  mm.  Bunday 

plitalardan qishloq xo‘jalik mashinasozligida foydalaniladi. Hamma plitalarning o‘ng 

va  teskari  qatlamlari  jilvirlanmagan  yoki  bir  yo  ikki  tomoni  jilvirlangan  qilib 

tayyorlanadi. 

Qoplamasiz  plitalarning  tashqi  qatlamlari  uchun  hamda  bir  tomoni  qoplamali 

plitalarning  teskari  qatlami  uchun  qayin  shponi,  qoplamali  plitalarning  o‘ng  tomoni 

uchun  randalangan  shpon,  ichki  qatlamlari  uchun  qayin,  arg‘uvon  va  qarag‘ay 

yog‘ochi shponidan foydalaniladi. Tashqi qatlam yog‘ochining sifatiga qarab plitalar 

quyidagi sortlarga ajratiladi: qoplamasiz bir tomonli – AВ/В, AВ/ВВ, В/ВВ, ВВ/С; 

ikki tomonlama qoplamasiz – AВ, В, ВВ; bir tomonlama qoplamali – 1/В, П/В; ikki 

---

 

29 

tomonlama  qoplamali  –  I,  II.  Jilvirlanmagan  plitalar  tashqi  qatlamlari  yog‘ochining 

g‘adir-budurligi 6-sinfdan, jilvirlanganniki 7-sinfdan kam emas. Plita to‘g‘ri burchak 

ostida silliq tekis keskich bilan kesiladn; bunda qiyshayish 1 m uzunlikka 3 mm dan 

ortmasligi kerak. Plitalarning markasi va qalinligiga qarab tob tashlash 2-5 mm dan 

ortmasligi  kerak.  Plitalar  mustahkam  qilib  yelimlangan,  shishsiz,  rejalash  vaqtida 

qatlamlarga  ajralib  ketmasligi  lozim.  Plitalarning  namligi  5-12%  dan  ortiq 

bo‘lmasligi lozim.