Ызбекистон республикаси олий ва

Shilib  olingan  shpon  bilan  qoplangan,  bezak  va  bakelitlangan  fanerlar. 

Ustiga yoki usti bilan ostiga eman, yong‘oq, nok va boshqa qimmatli yog‘ochlardan 

shilib  yasalgan  shpon  qoplangan  odatdagi  yelimlangan  faner  qoplama  faner  deb 

ataladi. Fanerning faqat ustki qatlami qimmatli yog‘ochdan bo‘lsa, unga bir tomonli 

faner,  ustki  va  ostki  qatlami  ham  kimmatli  yog‘ochdan  bo‘lsa,  ikki  tomonli  faner 

deyiladi.  Sanoatda  fanerlarni  uch,  besh,  yetti  va  to‘qqiz  qatlamli  qilib  ishlab 

chiqariladi. 

Fanerlar  jilvirlangan  (bir  yoki  ikki  tomoni)  va  jilvirlanmagan,  ustki 

qatlamining teksturasiga qarab radial, yarim radial va tangensial fanerlarga ajratiladi. 

Faner  listlarining  qalinligi  4,5;  6;  8;  9  va  10  mm  bo‘ladi.  Faner  kalinligidan 

chetga chiqish ± 0,30 dan ±0,50 mm bo‘lishiga yo‘l qo‘yiladi. 

FOF  markali  qoplama  faneri  fenol-formaldegid  yelimlari  bilan  yopishtiriladi. 

FOK markali faner esa karbamid yelimlar bilan yopishtirilgan. 

Qoplama fanerning namligi 8±2% bo‘lishi kerak. 

Qoplama faner yog‘ochining ishlanish sifatiga qarab, ikkita – I va II sortlarga 

ajratiladi. Qoplama fanerdagi nuqsonlar va ishlov berishdagi kamchiliklar fanerning 

sortlari bo‘yicha ГОСТ 11519-95 da ko‘rsatilgan. 

Qoplama fanerlardan mebelsozlik korxonalarida, qurilishda, panellar, to‘siqlar 

(barerlar),  pardevorlar,  devorga  o‘rnatiladigan  shkaflar  yasash  hamda  temir  yo‘l 

vagonlarining ichini pardozlashda keng foydalaniladi. 

Bezak  (dekorativ)  faner  (ГОСТ  14614-89)  uch  va  undan  ortiq  shilib  olingan 

shponlardan  yelimlab  yopishtirilgan  faner  bo‘lib,  uning  sirtiga  naqshli  qog‘oz  bilan 

---

 

27 

birga  va  bunday  qog‘ozsiz  plyonka  qoplangan  bo‘ladi.  Bezak  faner  to‘rt:  ДФ-1, 

ДФ-2,  ДФ-3  va  ДФ-4  markada  ishlab  chiqariladi.  ДФ-1  va  ДФ-2  fanerining 

qoplama  plyonkasiga  mochevina-melamin-formaldegid  smolasi,  ДФ-3  va-  ДФ-4 

markalariga  melamin-formaldegid  smolasi  ishlatilgan.  ДФ-1  markali  fanerning 

qoplama  plyonkasi  shaffof  bo‘lib  (rangsiz  yoki  bo‘yalgan)  yog‘ochning  haqiqiy 

teksturasini  berkitmaydi;  ДФ-2  markali  fanerning  qoplama  plyonkasi  yog‘och 

teksturasiga o‘xshash yoki boshqa naqshli qog‘oz yopishtirilgan. ДФ-3 markali faner 

suvga  juda  chidamli,  shaffof  (rangsiz  yoki  bo‘yalgan),  yog‘ochning  haqiqiy 

teksturasini  berkitmaydi;  ДФ-4  markali  faner  suvga  chidamliligi  oshirilgan,  sirtiga 

qimmatbaho  yog‘och  turlari  teksturasinikiga  o‘xshash  yoki  boshqa  rasmli  qog‘oz 

yopishtirilgan. 

Pardozlangan  tomonlariga  qarab  faner  bir  tomonlama  va  ikki  tomonlama, 

qoplama  sirtining  tashqi ko‘rinishiga  ko‘ra  yaltiroq va  yarim  xira xillarga  ajratiladi. 

Hamma  markadagi  fanerlarning  o‘lchamlari:  uzunligi  (eni)  2440,  2135,  1830,  1525 

va 1220 mm bo‘lishiga, 4-5 mm og‘ishga yo‘l qo‘yiladi; qalinligi 1,5; 2; 5; 3; 4; 5; 6; 

8; 10 va 12 mm bo‘lishiga (±0,2- ±0,9 mm og‘ishga) ruxsat etiladi. 

Bezak  faner  tayyorlash  uchun  qayin,  olxa,  arg‘uvon,  tog‘terak  va  terak 

yog‘ochidan  tayyorlangan  shponlardan  foydalaniladi:  ДФ-2,  ДФ-4  markali 

fanerlarning  ichki  qatlami  uchun  qarag‘ay  va  tilog‘och  yog‘ochidan  tayyorlangan 

shponlarni  ishlatishga  ruxsat  etiladi.  Hamma  markadagi  bezak  fanerlar  tayyorlash 

uchun  quyidagi  sortlardagi  shponlar  ishlatiladi:  A  –  ikki  tomonlama  fanerlarning 

tashqi qatlamlari uchun va bir tomonli fanerning sirtqi (o‘ng) tomoni uchun, VV – bir 

tomonli  fanerning  teskari  tomoni  uchun.  Qoplama  uchun  maxsus  bezak  qog‘ozidan 

foydalaniladi. 

Bezak faner ikki xil: 1- va 2-sortlarda ishlab chiqariladi. 

Fanerdagi  nuqsonlarning  ko‘rinish  va  o‘lchamlari  ГОСТ  14614-89  bilan 

cheklangan.  Fanerning  pardoz  qoplamalari  ГОСТ  14614-89  da  ko‘rsatilgan 

talablarga mos kelishi kerak. Bezak fanerning namligi 10% dan oshmasligi kerak. 

Bezak fanerlar kvadrat metrlarda hisoblanadi. 

Bezak  fanerlardan  mebellar  hamda  duradgorlik  usulida  panellar,  pardevorlar 

va shiplar yasaladi, bu xil fanerlar odatda pardozlanmaydi. 

Bakelitlangan  faner  (ГОСТ  11539-93)  shilib  olingan  qayin  shponlarini 

yolimlab yopishtirib va yuziga sintetik smola surtib yasaladi, yelimlab yopishtirilgan 

shpon  listlari  tolalari  o‘zaro  ko‘ndalang  yo‘naladigan  qilib  joylashtiriladi.  Bu  faner 

suv, atmosfera ta’siriga chidamli va mustahkam bo‘ladi. Bu fanerning sirtiga В sortli 

shpon,  ichki  qatlamlariga  ВВ  sortli  shpon  ishlatiladi.  Bakelitlangan  faner  ФБС  va 

ФБС1 ФБВ va ФБВ1, ФБС-A hamda ФВС1-A markalarda ishlab chiqariladi. 

Bakelitlangan faner quyidagi o‘lchamlarda (mm): uzunligi 5600 va 7700 (yo‘l 

qo‘yiladigan chetga chiqish ±40 mm), eni 1200-1550 (±20 mm), qalinligi 5-18 mm 

(±0,5-±2) ishlab chiqariladi. 

Fanerning  silliq  sirtida  tirnalgan  izlar,  pachoq  joylar,  uzunchoq  do‘mboqlar, 

qistirma  va  plita  izlari  bo‘lishiga  yo‘l  qo‘yiladi.  Lekin  boshqa  nuqsonlar  va  ustki 

qatlamda  smola  singdirilmagan  va  smola  yuqmagan  joylar,  pufaklar,  ko‘chgan  , 

pardalar  va  chala  presslangan  joylar  bo‘lmasligi  lozim.  Bakelitlangan  faner  kub 

metrlarda o‘lchanadi. 

---

 

28