O’zbekiston respublikasi sog’liqni saqlash vazirligi tibbiy ta’lim rivojlantirish markazi

Vrachgacha bo'lgan etapda  skrining  va  laboratoriya-tekshiruvlardan 
o’tkaziladi.  
Vrachlik ko’rikda umumamaliyot vrachi birinchi bosqich natijalariga 
asoslangan xolda bolalar salomatligini maktabga borishdan oldin, 10 yosh, 11-12 
yosh, 14-15 yosh, 15-16 yoshlarda tekshirib baxolaydi.  
Bu etapda bolalarning ruhiy statuslarini baxolash maqsadida pedagog va 
psixloglar ishtirokida bolalarni o'qishga tayyorgarligi aniqlanadi. 
Ixtisoslashtirilgan tibbiy ko’rikda 
nevropatolog, 
okulist, 
otorinolaringolog, xirurg-ortoped, stomatolog, logoped ishtirokida har 3 yilda olib 
boriladi. 
Bolaning 10 yoshlik davrida, 11-12 va 14-15 yoshlik  davrlarida va 
maktabni bitirishda (15-16) yuqorida ko'rsatilgan mutaxassislar brigadasida 
endokrinolog, ginekolog, xirurg yoki urolog ishtirok etadilar. 
O’smirlar kasb-xunar o’quv muassasalarida o’qiydigan va ishlaydiganlar 
barcha mutaxassislar ko’rigidan yiliga 1 marta o’tib turadilar. 
Ishlamaydigan va o’kimaydigan o’smirlar esa mutaxassislar ko’rigidan 15, 
17 va 18 yoshda o’tadilar. 

---

150 
 
Profilaktik ko’riklar  o’tkazilgandan  so’ng bola salomatligiga kompleks 
baxo beriladi va xulosa yoziladi. Bunda bola qaysi sog'lom guruhiga mansub 
ekanligi, jismoniy rivojlanishi, asab-ruhiy rivojlanishi, xulki va funksional holati, 
adaptasiya holati va x.k.lar ko'rsatiladi. Xulosada sanitar-gigienik qoidalarga rioya 
qilish, kun tartibi, jismoniy tarbiya va chiniqtirish, profilaktik emlashlar, ruhiy-
pedagogik tadbirlar xaqida tavsiyalar beriladi. 
Surunkali kasalligi bor va dispanser nazoratiga olinadigan xar bir bola uchun 
"Dispanser  kuzatuvining  nazorat kartasi" (130/x.)  to’ldiriladi.  "Dispanser 
kuzatuvining nazorat kartasi" dispanserizasiya ishlarini olib borishda bemorning 
salomatlik holati ko'rsatkichlari bo'yicha  shifokorga yordam beradi.