Navoiy viloyat pedagog kadrlarni qayta tayyorlash va malakasini oshirish

5. O‘quv jarayonini tashkil etish texnologiyasi:  
Metod: “Zinama-zina” texnologiyasi. 
Shakl:  Kichik  guruhlarda ishlash.    
Jihoz: Dars ishlanmasi namunalari, flipchart, marker, kley, skotch, qaychi, rangli qalamlar. 
Usul: Og‘zaki, yozma, taqdimot.  
Baholash: Reyting tizimida.   
Uyga vazifa:  Keyingi o‘tiladigan dars mavzusiga tayyorlanish. Mavzuga   doir adabiyotlar bilan tanishish.  
Dars jarayoni:  
I. Tashkiliy qism –5daqiqa.  
1. Salomlashish.  
2. Davomatni tekshirish.  
3. Darsni belgilangan talablar asosida tashkil etish.  
4.  Mavzuga  doir  tinglovchilarning  dastlabki  bilimlarini  aniqlash  va  o‘tiladigan  mashg‘ulot  mavzusi  va 
maqsadi bilan tinglovchilarni tanishtirish. 
II. Kichik ma’ruza metodidan foydalanish  – 20 daqiqa. 
Ta’lim  jarayoninng  maqsadi  DTS,  o‘quv  rejasi  dasturi,  shuningdek,  darslik,  qo‘llanmalarda  belgilab 
berilgan  muayyan  mavzu  hamda  fanning  o‘ziga  xos  jihatlari,  mavjud  pedagogik  shart-sharoitlar, 
o‘quvchilarning yosh, psixologik xususiyatlari, ularning hayotiy ehtiyoji va qiziqishlari, ta’lim beruvchi bilim 
va malaka darajasi, dunyoqarashi, ijodkorligi, vaziyatni baholay hamda unga muvofiq tezkor harakat qila olish 
layoqati va hokazo omillarni inobatga olish asosida belgilanadi. Maqsad o‘qitish va o‘qish jarayonlarining eng 
muhim  omili.  Ta’lim  jarayoni  aynan  shundan  boshlanadi.  U  ma’lum  predmetni  o‘rganish  maqsadi  va 
mazmunidan yoki tarbiyaviy ta’sir mazmunidan kelib chiqqan holda shakllanadi va ushbu ta’lim shaklini asosiy 
maqsadiga  mos  keladi.  Maqsad  ta’lim  beruvchi  va  ta’lim  oluvchini  ularning  umumiy  natijalariga  qarab 
harakatlanishini belgilaydi. Shunga ko‘ra, biz uni tashxisli ifodalashimiz kerak.   
Ta’lim maqsadining bunday belgilanishi ma’lum va amal qilingan vaqtda didaktik jarayonni tashkil qilish 
va  amalga  oshirilgan  darajasi  yuzasidan  xulosa  chiqarish  imkoniyatini  yaratadi.  Shunday  didaktik  yoki 
tarbiyaviy jarayonni qurish kerakki, u ushbu maqsadni ma’lum sharoitlarda va belgilangan vaqt ichida erishini 
ta’minlashni kafotlashi kerak. 
Maqsadning tashxisli belgilanishi quyidagi holatlar bilan tavsiflanadi: 
1. 
Shaxsda  shakllantirilgan  ma’naviy-axloqiy  sifatlar  hamda  aqliy  salohiyat  shu  darajada  aniq  va 
ravshan  tavsiflanadiki,  natijada  ularni  shaxsning  istalgan,  mazkur  vaziyatgacha  bo‘lgan  vaqt  oralig‘ida 
shakllantirilgan sifatlaridan osonlik bilan farqlash mumkin bo‘ladi.     
2. 
Shaxsning  tashxislangan  ma’naviy-axloqiy  hamda  aqliy  sifatlarining  shakllanganlik  darajasini 
haqqoniy nazorat qilishga yo‘naltirilgan aniq usul mavjud bo‘ladi. 
3. 
Shaxsning  tashxislangan  sifatlarini  aniqlash  yuzasidan  olib  borilgan  nazorat  natijalari  asosida  uning 
samaradorligini aniqlash mumkin bo‘ladi. 
4. 
O‘lchov  mezonlari  asosida  muayyan  bilim,  ko‘nikma  va  malakalarning  sifatini  baholash 
ko‘rsatkichlari mavjud bo‘ladi.  
Ta’lim jarayonida shaxsning yosh ko‘rsatkichlari tabiiy uning shakllanish bosqichlariga mos ravishda asosiy 
maqsaddan kelib chiqib darajalanadi.  
Pedagogik  tizimning  keyingi  eng  muhim  komponenti  darsdan  kutiladigan  natijadir.  U,  o‘qitish  jarayonini 
o‘tishini samaradorligini aks etadi, maqsadga erishish darajasini tavsiflaydi: o‘qitish va o‘qish jarayoni, natija 
qo‘yilgan maqsadga mos kelganda yakunlanadi.  
III.  Ona  tili  va  adabiyot  fanidan  “Xalq  og‘zaki  ijodi”  mavzusidagi  umumlashtiruvchi  dars  ishlanmasini 
o‘rganish va tahlil qilish – 50 daqiqa.  
Dars  jarayonida  “Darsning  maqsadi  va  kutiladigan  natijalar”  to‘g‘risidagi  bilimlarni  rivojlantirgan  holda 
tinglovchilar kichik guruhlarga bo‘linadilar va quyidagi topshiriqlarni qadamba-qadam  bajaradilar.