ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

ödənilməsi fasiləli xarakter daşıyır, ödənildiyi andan müvəqqəti
olaraq motivasiya rolunu itirir və davranışa təsiri azalır.
2.  Təhlükəsizliyə  tələbat:  fiziki  təhlükəsizlik,  orqanizmin
fiziki strukturunun qorunması, psixoloji təhlükəsizlik, şəxsiy -
yətin  psixoloji  strukturunun  qorunması,  öz  taleyinə  görə
məsuliyyəti hiss etmək üçün şəxsiyyətin formalaşdırılmasına
tələbat və s.
3. Sosial tələbatlar: insanlar sosial məxluq olaraq özlərinə
oxşar olanlarla birgə fəaliyyət göstərməyə, sevməyə və sevil -
məyə, müəyyən qruplarda birləşməyə və unsiyyətə tələbat hiss
edirlər. Qarşılıqlı yardım, bir-birlərinin sevinclərinə və dərdlərinə
şərik olmaq, həmfikirlik hissləri də sosial tələbatlar dandır.
4. Hörmətə tələbat: özünə hörmət, ləyaqət, özünə inam, özü
haqqında başqalarının müsbət fikir və rəylərinə, sosial statusa
tələbat və s.
5. Şəxsiyyətin özünü realizə etməsinə tələbat: bu tələbatlar
insan  tələbatları  iyerarxiyasının  zirvəsində  dayanır:  özünə
(nəfsinə, tənbəlliyə, qorxu hisslərinə və s.) qalib gəlmək, özünün
bütün imkanlarından istifadə edərək inkişaf etmək, ətrafda baş
verən  hadisələrin  mənasını  dərk  etmək  və  onları  qiymətlən -
dirmək, başqalarının seçimlərinə və təsəvvürlərinə təsir etmək
və s.
A.Maslou  hesab  edirdi  ki,  iyerarxiyanın  aşağı  pilləsində
qərarlaşan  tələbatlar  ödənilmədiyi  halda  növbəti  pillələrin
tələbatlarının  insanın  davranışına  təsiri  azalır. Aşağı  pillənin
tələbatları ödənildiyi halda isə əksinə, həmin pillənin tələbatla -
rının insanın davranışına təsiri azalır və növbəti pillənin tələbat -
ları  insanın  motivasiyasının  və  davranışının  müəyyənedici
amilinə çevrilirlər. Tələbatların strukturunun təkamülü prosesi
də mövcuddur. Şəxsiyyət inkişaf etdikcə onun tələbatları yaşa -
maq və minimal həyat təminatı üzrə ümumi məqsədlərdən həyat
keyfiyyəti və həyat tərzi üzrə məqsədlərə keçir. 
A.Maslou  tələbatın  çoxsəviyyəli  strukturunu  göstərməklə
bərabər, bu tələbatların müxtəlif şəxslər üçün müxtəlif dərəcəli
intensivliklə xarakterizə olunduğunu da qeyd edirdi. Əslində,
tələbat  iyerarxiyasında  göstərilən  bütün  tələbatlar  həmişə
mövcud olur. Onların əhəmiyyətlilik dərəcəsi və prioritetliyi isə
şəxsin  xüsusiyyətlərindən  və  düşdüyü  şəraitdən  asılı  olaraq
55