O`zbekiston respublikasi sog`liqni saqlash vazirligi toshkent farmatsevtika instituti

14-15-MA’RUZA. YAXSHI  REGULYATOR (TO‘G‘RI TARTIBGA SOLISH) 
AMALIYOTI GRP. 
 
16-17-MA’RUZA. YAXSHI FARMAKONAZORAT AMALIYOTI (GVP) 
 
18-MA’RUZA.YAXSHI FARMAKOPEYA AMALIYOTI. 
Ma'ruza rejasi: 
1.  O‘zbekiston Respublikasida standartlash ishlari, 
2.  Dori vositalarini standartlash bo‘yicha me’eriy tahlil hujjatlari, 
3.  MTXlarni tuzilishi va ularni ishlab chiqish 
 
  Tayanch  so`z  va  iboralar:  me’yoriy  texnik  hujjatlar,  farmakopeya,  dori 
vositalarini ro‘yxatdan o‘tkazish, standart namunalar. 
O‘zbekiston  Respublikasi  mustaqillikka  erishgandan  so‘ng  dori  vositalarini 
ro‘yxatga  olish,  me’yoriy  texnik  hujjatlarni  tasdiqlash  va  ekspertizasini  amalga 
oshirish, dori vositalari  va  tibbiyot texnikasining  sifatini  nazorat  qilishni xal  etishda 
o‘z soxasini mukammal egallagan farmatsevt mutaxassislarga bo‘lgan talab ortdi. 
  Ular  O‘zR  farmatevtika  faoliyati  xaqidagi  qonunlar,  dori  vositalari  sifat 
standartlarining  mazmuni  va  sifat  ko‘rsatkichlarini  aniqlashning  zamonaviy  usullari 
yuzasidan mustahkam bilim va ko‘nikmalarga ega bo‘lishlari zarur. 
  «Dori  vositalarining  sifat  standartlari,  MTXlar,  ularning  tuzilishi,  dori 
vositalarini  ro‘yxatga  olish  shartlari»  mavzusini  o‘rganish  davomida  talaba  qayd 
etilgan jarayon bilan yaqindan tanishish imkoniyatiga ega bo‘ladi. 
Farmakopeya [yun.  pharmakon  –  dori  va  poieo  –  tayyorlayman]  –  dori 
vositalarini  tayyorlash,  sifatini  sifat-mikdoriy  jihatdan  nazorat  qilish,  saqlash  shart-
sharoitlari va nomlanishini belgilaydigan davlat standartlari majmui. Farmakopeyada 
dori moddalari va dori turlarini kimyoviy, fizik, biologik va boshqa(lar) usullarda sifat 
hamda miqdoriy tahlil qilish usullari, zaharli va kuchli ta’sir etadigan dorilar ro‘yxati, 
bolalar  va  kattalar  uchun  dorilarning  bir  ichishlik,  shuningdek,  kunlik  mikdorlari 
jadvali yoritiladi. Xitoyda 502 y. da chiqarilgan «Minibelu» kitobi, Evropada 1130 y. 
da  chop  etilgan  «Antidotoriy»  to‘plamlari  ilk  rasmiy  farmakopeya  hujjatlaridir. 
Birinchi  farmakopeya  1498  y.  da  Florensiyada  «Ricettario  Fiopentino»  nomi  bilan 
bosilib  chiqdi.  Abu  Ali  ibn  Sinoning  «Tib  qonunlari»  asari  u  yashagan  davrda 
qo‘llanilgan  dori  vositalarini  tayyorlash,  ularning  sifatini  baholash  va  qo‘llanilishi 

---

 
haqidagi  ma’lumotlari  bilan  o‘z  zamonasining  farmakopeyasi  deb  baholanishi 
mumkin.  Bugungi  kunda  ko‘pgina  mamlakatlarning  milliy  va  hududiy 
farmakopeyalari  mavjud  bo‘lib,  ulardan  Eu.  R.  (Evropada  hamjamiyati  F.  si),  USP 
(AQSH F. si), VR (Britaniya F. si), GF XI (Davlat F. sining 11-nashri), DP (Germaniya 
F.  si)  kabilar  xalqaro  e’tirof  etilgan  F.  lar  hisoblanadi  va  ko‘p  hollarda  dori 
vositalarining sifat nazorati yukoridagilarga asosan amalga oshiriladi.