Texnologiyasi instituti

6.8.2-rasm.  Yubka  belbog`ini  tikish. 
Yubkaning  etagini  tikish 
Yubkaning  etagini  tikish  uchun,  yubka  o`ngiga  ag`dariladi,  yon  choklarini  bir-biriga  
to`g`rilab,  ort  va old  bo`laklar o`rtasidan bukib,  andaza qo`yib,   etakning notekis  va bukish  haqi  
bo`rlanadi. Notekis joylari qirqib tashlanadi. 
Kiyim  jun,    ipak,  lavsan  va  boshqa  aralash  tolalardan  tikiladigan  bo`lsa,  etakning  bukish 
haqidan  2  sm.  uzunroq    oraliqda  taxlama  choklari  va  boshqa  choklar  baxyaqatorga  0,2  sm.  
yetkazmay  kertib  qo`yiladi  va  chok  etak  qirqimidan  kertimgacha  yorib  dazmollanadi.  Ip 
gazlamadan  tikiladigan  kiyim  etaklari  universal  mashinada  maxsus  tepki  ishlatib,  yopiq  qirqimli 
buklama chok bilan tikiladi. Baxyaqator bukilgan ziydan 0,1-0,15 sm. oraliqda yurgiziladi (a). 
Yupqa  jun,    lavsan,    ipak  gazlamalardan  tikiladigan  kiyimlar  etagi  belgi  chiziq  bo`ylab 
yopiq qirqimli qilib bukiladi va maxsus yashirin baxyali 285 kl. mashinasida tikiladi (b). 
Lavsan  va  qalin  jun  gazlamalardan  tikiladigan  kiyimlar  etagining  qirqimi  yo`rmalanib,  maxsus 
yashirin baxyali 285 kl. mashinasida ochiq qirqimli chok bilan tikiladi (v). 
Kiyim  etagiga    mag`iz  qo`yib,    mag`iz  chok  bilan  tikishda  asosiy  detalda  bukish  haqi 
qo`yilmay bichiladi. Kiyim etagini faqat bitta chiziq bilan bo`rlab,  shu bo`r chiziq bo`ylab notekis 
joylari qirqib tashlanadi. Yubkaning bironta chokida  4-5  sm.  uzunlikda  tikmay ochiq joy  qoldiri-
ladi.    Mag`iz  chok  maxsus  1023-3  kl.    mashinasida  bitta  baxyaqator  yuritib  tikiladi.    Tikilmay 
qoldirilgan chok  biriktirib tikiladi (g). 
Mag`iz yoki beykani maxsus buklagich yordamida bukib,  asosiy detalga qo`sh ignali mash-
inada bostirib  tikish ham mumkin (6.8.3-rasm , d).