Informatika 2017 qqalpoq indd

Saytlardaǵı  elektron  pochtalar

Internet  sistemasında  arnawlı  web-saytlar  arqalı  da  elektron  pochta 

qutısına  iye  bolıw  múmkin.  Mısalı,  Mail.ru, uMail.uz, Inbox.uz 

sıyaqlı,  tiykarınan  tek  elektron  pochta  xızmetin  ámelge  asırıw  ushın 

xızmet  etetuǵın  Rambler.ru  sıyaqlı  hám  izlew  sisteması,  hám  elektron 

pochta  xızmetlerin  usınıs  etetuǵın  web-saytlar  usılar  qatarına  kiredi. 

Bunday  web-saytlarda  «pochta  qutısın  payda  etiw»  túymesi  bolıp,  ol 

basılsa,  ekranǵa  baylanıs  aynası  shıǵadı.  Usınılǵan  birneshe  sorawǵa 

(familiyańız,  atıńız,  pochta  adresi,  parol  hám  basqa)  juwap  beriw 

kerek  boladı.  Ózińiz  ushın  tańlaǵan  hám  kirgizip  atırǵan  pochta 

mánzili  belgili  web-sayt  jaylasqan  serverde  bar  bolsa,  ol  jaǵdayda 

basqa  mánzil  kirgiziw  usınıs  etiledi.  Sebebi,  bir  serverde  eki  birdey 

elektron  pochta  mánzili  bolıwı  múmkin  emes. 

Bul  usılda  payda  etilgen  elektron  pochta  qutısınıń  tiykarǵı  kem-

shiligi  sonda,  onnan  belgili  bir  waqıt  (ádette,  3  ay,  lekin  túrli  server-

lerde  bul  múddet  ózgeriwi  múmkin)  paydalanbasańız,  ol  Internet 

sistemasınan  alıp  taslanadı.  Lekin  bunıń  birqansha  abzallıqları  bolıp, 

tómende  olardıń  tiykarǵıları  keltirilgen:

1)  Internetke  baylanısqan  óz  jeke  kompyuterińiz  bolıwı  shárt 

emes;

2)  Elektron  pochtańızdan  dunyanıń  qálegen  jerinde  de  paydalanı-

wıńız  múmkin. 

Tómende  uMail.uz  web-saytı  arqalı  elektron  pochta  ashıw  imka-

niyatı  menen  tanısamız.  Baǵdarlama  interfeysinen  «Dizimnen  ótiw» 

II bap. Internette islew tiykarları

15-sabaq.  Elektron  pochta

---

69

15-sabaq.  Elektron  pochta

túymesin  tańlaǵannan  soń  (*)  belgisi  arqalı  belgilengen  maydanlarǵa 

maǵlıwmatlar  kirgiziw  shárt  bolǵan  tómendegi  «Dizimnen  ótiw» 

bólimi  ashıladı:

«Login»  hám  «Tiykarǵı  pochta  qutısı»  maydanlarına  paydalanıwshı 

ózi  qálegen  attı  (latın  háriplerinen  baslanǵan  hám  cifrlar  qatnasqan 

belgiler  izbe-izligin)  kirgiziw  múmkin.  Yadıńızda  bolsın,  aytıp 

ótilgenindey bul eki maydanǵa kirgizilgen maǵlıwmatlar tákirarlanbawı 

shárt.  Maǵlıwmatlar  kirgizilip  bolınǵannan  soń  hám  tekseriw  belgileri 

bolǵan  arnawlı  kod  kirgizilgennen  soń  «Dizimnen  ótiw»  túymesi 

tańlanadı.  Barlıq  talaplar  uMail.uz  pochta  server  talaplarına  juwap 

berse,  ol  jaǵdayda  paydalanıwshınıń  pochta  qutısına  iye  boladı.  Eger 

paydalanıwshınıń  pochta  qutısı  dizimnen  ótpese,  onıń  sebepleri 

kórsetilgen  bet  sáwlelenedi  hám  maydanlardı  qaytadan  toltırıw 

soraladı.  Sebepleri  tómendegishe  bolıwı  múmkin:  paydalanıwshılar 

tańlaǵan  login  yaki  pochta  qutısınıń  atı  bánt  bolıwı,  paroldiń 

ápiwayılıǵı,  tekseriw  belgileri  maydanında  qáte  belgiler  kirgizilgen 

bolıwı  hám  basqa  da.