Microsoft Word tizimli programmalash

DEBUG созловчиси. DEBUG  созловчи программанинг ҳар бир буйруғини кетма-
кет бажарилишини кўрсатиб туради. DEBUG нинг қуйидагича буйруқлари мавжуд: 
G n – n адресли буйруқгача программани бажариш; 
Dn - хотиранинг қийматини ички (ўн олтилик) кўринишда n-
адресдан бошлаб чиқариш;
U n – хотиранинг қийматини ташқи (белгили) кўринишда n-адресдан
бошлаб чиқариш; 
R - Регистрнинг қийматини чиқариш; 
Q - DEBUG дан чиқиш. 
Бу буйруқда кўрсатилган n икки қисмдан иборат: x : y. Бу ерда х-регистр номи,
у- кўчиш. 
Программани ишга тушириш. Энди ҳосил бўлган .EXE файлли программани 
бажаришга юбориш мумкин.
 
2. Ассемблер тили буйруқлари 
Оператор. Ҳар қандай программа ҳам операторлар кетма-кетлигидан иборат 
бўлади. Ассемблерда оператор ёки буйруқ ёки псевдобуйруқ (директива) кўринишида 
бўлиш мумкин. Ихтиёрий оператор амалларни ва улар орқали боғланган операндларни ўз 
ичига олади. Улар ўз навбатида ифодаларда иштирок этади. Ифодада белгилар сатри ёки 
ўзгармас катталик (константа) қатнашиши мумкин. Белгилар сатри қўштирноқлар ичига 
олиб ёзилади. Масалан: ‘PC’ ёки “PC”. Ассемблер уларни ASCII форматдаги объект 
кодига ўтказади. Сонли ўзгармас катталикни ва хотира адресини ифодалашда 
ишлатилади. Ассемблер ҳамма сонли константаларни ўнолтиликка ўтказади ва ўнгдан 
чапга қараб ёзиб объект кодларида байтларга ёзади.
Буйруқ формати. Ассемблер тилининг ҳар бир буйруғи қуйидаги майдонлардан 
иборат бўлиши мумкин: 
[нишон:] мнемокод [операнд] [;изоҳ]. 
Бу ерда буйруқда мнемакод турган майдонни бўлиши албатта шарт, қолганларидан 
операнд майдони керак бўлганда ишлатилади. Майдонлар ўртасида камида битта пробел 
(бўш жой) бўлиши керак. 
Нишонлар майдони. Бу майдон ассемблер тили буйруғига исм бериш учун хизмат 
қилади. Бу вазифа билан нишонлар Бейсик тилидаги оператор олдида турадиган сатр 
номери ишни бажаради. Буйруқ нишони 31 тагача бўлган белгилар ва рақамлар кетма-
кетлигидан иборат бўлиб, биринчиси албатта ҳарф бўлиши керак. Нишон «:» белгиси 
билан тугайди. Нишон сифатида ишлатиладиган кетма-кетликда қуйидагилар 
ишлатилиши мумкин: 
-А дан Z ёки a дан z гача бўлган ҳарфлар; 
-0 дан 9 гача бўлган раҳамлар; 
-? @ _ $ белгилари. 
Нишон сифатида регистрлар номлари, буйруқ мнемакодаларини ишлатиш мумкин эмас. 
Мисоллар. 
GET_Count: MOV CX, DI 
A25: MOV DEST, 25H