Toshkent kimyo-texnologiya institiuti "tasdiqlayman"

 

29-mavzu. KASB BAYRAMI.  

 

Og‘zaki nutq: Mavzuga oid matnni o‘qib tushunish. Matnni o‘zgartirib so‘zlab berish. 

Turli mamlakatlarda nishonlanadigan shu kasb egalarining bayramlari haqida gapirib berish. 

---

225 

 

Yozma nutq: Kasb bayrami haqida matn tuzish. Kasb bayramiga bag‘ishlangan reportaj 

yozish. Reportaj mazmunini rezume ko‘rinishida ifodalash. 

Grammatika: Matn mazmunining qisqacha bayoni (rezume), uning tuzilishi va ifoda 

materialining xususiyatlari. 

Tayanch so‘z va iboralar: kasb bayrami,  kasb tarixi, rezume, rezume matni. 

 

1-oktabr – USTOZ VA MURABBIYLAR KUNI  

 

         Shu kuni bizga saboq bergan, hayot so‘qmoqlaridan odimlab borishimizda ustozlik qilgan 

va bu vazifani ayni paytda ham sharaf bilan bajarib kelayotgan insonlarni kasb bayramlari bilan 

tabriklashga oshiqamiz.  Bir necha yildirki, yurtimizda 1 oktabr - O‘qituvchilar va murabbiylar 

kuni umumxalq bayrami sifatida keng nishonlab kelinmoqda. Ming-minglab murg‘ak qalblarga 

ezgulik  yog‘dusini  sochadigan,  o‘z  o‘quvchilariga  hayot  maktabini  beradigan  mo‘tabar  zot  - 

o‘qituvchi va murabbiylarimizga bugungi kasb bayrami alohida ahamiyatga ega. 

         Ustoz deganda, har qaysi inson ko‘nglida chuqur hurmat - ehtirom va cheksiz minnatdorlik 

tuyg‘ulari,  shu  bilan  birga,  hech  qanday  boylik  bilan  o‘lchab  va  ado  qilib  bo‘lmaydigan 

qarzdorlik  hissi  paydo  bo‘ladi.  Ustozlarimiz  o‘giti,  keksalarimiz  pand-nasihatlariga  amal  qilib 

borsak, aslo kam bo‘lmaymiz. Bu bilan ustoz va murabbiylarimiz oldidagi ilk burchimizni ado 

etgan  bo‘lamiz.  Inson,  avvalo,  unga  bilim  va  marifat  dunyosi  sari  yo‘l  ochib  bergan,  uning 

qalbiga  yuksak  insoniy  fazilatlar  hissini  singdirish  yo‘lida  zahmat  chekkan  ustoz  va 

murabbiylariga nisbatan ko‘nglida hamisha minnatdorlik tuyg‘usi bilan yashaydi.