И+тисодиётга оид атамалар

 
АККРЕДИТИВ - (лат. аccredo-ишонаман)- банк ёки омонот 
банкларининг бирор шахс ёки ташкилотга маълум миқдордаги 
маблағни бериш ҳақида бошқа банк ёки кассага юборган буйруқ 
қоғози, масалан, жамғармалар банкига қўйилган пулни исталган 
омонат банкидан олиш учун берилган ҳужжат. 
 
АКЦИЗ - кенг истеъмол моллари (қанд, гугурт, туз, тамаки ва 
ҳ.к.) га солинадиган қўшимча устама солиқ. Маҳсулотга ёки 
кўрсатилаётган хизмат (коммунал, транспорт ва бошқа турдаги 
хизматлар) нархи устига қўйилади. 

---

 
АКЦИОНЕРЛИК ЖАМИЯТЛАРИ - масъулияти чекланган
фирмаларнинг энг кенг тарқалган шакли бўлиб, одатда кўпроқ 
фойда олиш мақсадида моддий, меҳнат ва пул ресурсларини 
бирлаштирган уюшма ҳисобланади. Акционерлик жамиятлари очиқ 
ва ёпиқ турда бўлади.Очиқ турдаги акционерлик жамиятида
акцияларни эркин сотиб олиш ва сотиш мумкин. Ёпиқ турдаги 
акционерлик жамиятида эса акциялар бир неча кишилар 
(корхоналар) га тегишли бўлиб, бозорда эркин сотиб олиниши 
мумкин эмас. 
 
АКЦИЯ - акционерлик (ҳиссадорлик) жамияти томонидан шу 
жамият капиталига ўз ҳиссасини қўшган пайчиларга, яъни 
ҳиссадорларга бериладиган ва уларга жамият ишида қатнашиш 
ҳуқуқини берадиган ҳужжат, қимматбаҳо қоғоз. А.турли кўринишда 
бўлади : «номли» А.- умумий йиғилишда акционерга овоз бериш 
ҳуқуқини тасдиқлайди, дивиденд олиш ҳуқуқини (кафолатсиз) 
беради; «имтиёзли» А.- акционерга фаолият натижасидан қатъий 
назар муайян миқдордаги дивидент олиш кафолатини берувчи, 
лекин акционерлик жамияти умумий йиғилишида овоз бериш 
ҳуқуқини бермайдиган акция. 
 
АГРАР МУНОСАБАТЛАР - ерга эгалик қилиш, ундан 
фойдаланиш ва уни тасарруф этиш билан боғлиқ бўлган 
муносабатлардан иборат.