Паркент туман 17- умумий ўрта таълим мактабида 2018 йил 20 сентябрь куни ўтказилган давра суҳбати ҳақида

Паркент туман 17- умумий ўрта таълим мактабида 2018 йил 20 сентябрь куни ўтказилган давра суҳбати ҳақида
М АЪ Л У М О Т Н О М А
Ёшлар ўртасида жиноятчилик ва ҳуқуқбузарликнинг олдини олиш мақсадида 2018 йил 20 сентябрь куни ўтказилган давра суҳбатида 82 нафар ўқувчи, 12 нафар ўқитувчи, ёшлар етакчиси, ИИБ ходими, МФЙ раиси иштирок этдилар.
Йиғилишни мактаб директори И. Тўраев очиб берди. У ўқувчиларнинг мактабдаги тартиб интизоми, мактаб ички тартиб қоидаларига қатъий риоя қилишлари, Вазирлар Маҳкамасининг 666-сонли қарори тўғрисида фикр юритди.
Шундан сўнг сўзга ИИБ ходими Я. Зокиров чиқиб ёшлар ўртасида содир бўлаётган жиноятчилик ва ҳуқуқбузарлик ҳолатлари ва уларнинг олдини олиш йўллари тўғрисида ўқувчиларга тушунча бериб ўтди. Аниқ рақамлар ва далиллар билан келтирилган мисоллар ўқувчиларни янада ҳушёрроқ бўлишга чақирди.
Масала юзасидан “Ҳуррият” МФЙ раиси Т. Ниғматов сўзга чиқиб, ўқувчиларни маҳаллада, кўчада ҳушёр юришларини шубхали шахслар ва шубхали ҳолатларни сезган тақдирларида тегишли жойларга мурожаат қилишлари кераклиги ҳақида огоҳлантирди.
Шундан сўнг ўқувчиларнинг ҳам бу борадаги фикр ва мулоҳазалари тингланди. 11-Б синф ўқувчиси О.Туропова, 11-Д синф ўқувчиси М.Чинниев, 11-А синф ўқувчиси А.Ортиқалиев, Н. Раҳимбердиевалар сўзга чиқиб, жиноятчилик ва ҳуқуқбузарликнининг олдини олиш борасидаги фикрларини айтиб ўтдилар.
Маҳалла раиси, ИИБ ходими иштирокида ўтказилган суҳбатда ўқувчиларга жиноятчилик ва унинг салбий оқибатлари, жамият ва давлатга келтирадиган зарари ҳақида тушунчалар берилди. Ўқувчилар ўзларига керакли хулосаларни чиқардилар.

Ёшлар етакчиси: ­­­­­­­­­­­­­_____________________ И. Саловов