Parametrlarini hisoblash

Afzalligi:
rudaning yuqori darajada ajratib olish va kam miqdordagi 
sifatsizlanishi (bo‘shliqni to‘ldirish jarayonida maydalangan ruda parchalarining 
yo‘qotilishini bartaraf etganda), yong‘in xavfsizligi, kov joyda rudaning sifati 
bo‘yicha saralash va tabaqalab qazib olish imkoniyati mavjudligi, qazilgan 
bo‘shliqni to‘ldirish uchun kovlangan joyda rudani saralashdan hosil bo‘lgan puch 
tog‘ jinslari va kon lahimlarini o‘tishda qazib olingan tog‘ jinslaridan foydalanish. 
Qo‘llanilishi barcha sharoitlarga mos kelishi, shamollatish ishi sharoitlarining 
yaxshiligi, mustahkamlagich materiallarining sarfi kam miqdordaligi, yer yuzasi va 
yondosh jinslar deformatsiyaga uchramasligi. 
Kamchiligi:
kovlangan joydagi ishchilarning mehnat unumdorligi past 
ko‘rsatkichlarga ega. Qazib olish va to‘ldirish ishlari bir vaqtda olib borishning 
imkoni mavjud emasligi hisobiga blokni qazib olish muddati uzoq vaqtni tashkil 
etishi, qazib olish ishlarining murakkabligi va to‘ldirish ishlarida xarajatlarning 
ko‘pligidan qazish ishlarining tannarxi yuqoriligi. Qazish bo‘shlig‘ini to‘ldirishda 
ruda isrofgarchiligini kamaytirish uchun qo‘shimcha chora tadbirlar majmui 
ko‘pligi.