Панжур / Жалюзи

Панжур / Жалюзи
Бугунги кунда дунё бўйлаб панжурлар ўрнатилмаган мактаб, офис, шифохона, кутубхона, савдо маркази, хусусий уй ёки квартираларни топиш қийин. Улар бизни қуёш нурлари ва ташқаридан ташланадиган бегона нигоҳлардан сақлаб хоналаримизнинг ички қисмини ҳам безатиб ҳам туради. Улар биринчи бўлиб қачон, қандай ва қаерда пайдо бўлган?
Француз тилидан "жалюзи" сўзи "рашк" деб таржима қилинади. Кўпчилик айнан рашк жалюзи – панжурларнинг келиб чиқишига сабаб бўлган деб иддао қилади. Ўрта асрларда аёлларни эркаклар нигоҳларидан ҳимоя қилиш учун уйнинг ташқари ойналарига панжурлар ўрнатилган.
Баъзи олимларнинг таъкидлашича, панжурлар бир неча минг йиллар олдин Яқин Шарқда пайдо бўлган. Улар 45 градуслик бурчак остида параллел жойлаштирилган тахталардан иборат эди. Айнан шу турдаги панжурлар ҳозирги горизонтал жойлашувига эга замонавий жалюзилар учун прототип бўлиб хизмат қилди.
Панжурларнинг саноатда оммавий ишлаб чиқарилиши 18-асрнинг ўрталарига тўғри келади ва у ўша пайтда Филаделфияда яшаган инглиз дизайнери Жон Вебстер номи билан боғлиқ. Бироқ, Жон Вебстер бу лойиҳаси унга пул ёки шон-шараф келтирмади. Америкалик саноатчи Жон Хемптон анча ташаббускор бўлиб, юз йил ўтгач, 1841 йилда панжур дизайнини патентлади.
Кейинги юз йил давомида, ХХ асрнинг 40-йилларигача, панжурлар фақат ёғочдан ясалган. Кейин металл конструкциялар пайдо бўлди. Иккинчи жаҳон урушидан кейин материаллар рўйхатига табиий ва синтетик материаллар ҳам қўшилди.

https://www.onlinejaluzi.ru/assets/templates/jaluzi/images/soveti/2_1.jpg

https://winkers.ru/assets/components/phpthumbof/cache/6.a8342252dd1e253db3045c3aaa2420f2.jpg