Пайванд усуллари ҳақида қисқача маълумотлар ва уларни турлари. Пайванд бирикмаларни ҳисоблаш

Электр ёйи ёрдамида автоматик тарзда пайвандлаш
Бу усулда электр ѐйини бошқариш электрод ва флюсни етказиб бериш ва пайвандловчи аравачани чок бўйлаб ҳаракатга келтириш автоматик равишда амалга оширилади. Электр ѐйи пайвандланаѐтган буюм билан электрод сими орасида ҳосил бўлади. Ажралиб чиққан иссиқлик таъсири натижасида флюс қатлами остида суюқ металл ваннаси ҳосил бўлади. Бунда ѐй, флюс қатлами остида ѐнади, демак пайвандлаш жараѐни ҳавосиз муҳитда олиб борилади. Бундай пайвандлашда юқори сифатли текис сиртга эга бўлган кумуш рангли пайванд чок ҳосил бўлади; пўлат эритмаси жуда тоза ва сифатли чиқади. Ишлатиладиган катта кучли ток (600-1200 А) ва эритилган пўлатнинг иссиқлигини сақлаш имконияти борлиги сабабли элементлар бирикмаси жуда чуқур ва мустаҳкам хамда унумли бўлади.
К а м ч и л и г и – тик ва шифт ҳолатда ҳамда ноқулай бўлган жойда бу усул билан пайвандлашни бажариш имконияти йўқлиги.
Электрошлак усули билан пайвандлаш
Бу усул айниқса тик бўлган туташиш чокларини пайвандлаш бажаришда автомат механизмлар ѐрдамида бажарилади. Электрошлак усули, пайвандланадиган элементларнинг қалинлиги 20мм дан ортиқ бўлганда қўлланилади. Элементларнинг бир бирига бириктирилиши тоза сим орқали ва эритилган шлак остида ўтади. Шу усул билан бажариладиган чоклар жуда сифатли, тоза ва мустаҳкам бўлиб чиқади.
Ҳимояловчи газлар муҳитида пайвандлаш
Пайвандлашнинг бу усули суюқланувчи электрод ѐрдамида ярим автоматик тарзда бажарилади, пайвандловчи каллакка қайишқоқ шланг орқали электрод ва карбонат ангидриди гази узатилади. Карбонат ангидриди гази ѐйнинг ѐниш доирасидан ҳавони сиқиб чиқариб, суюқланган метални кислород ва азот таъсиридан ҳимоя қилади.
Чоклар сифатли чиқади фақат ташқи кўриниши нотекис бўлади. Автоматик усул билан бажаришга қараганда, унумдорлиги 15-20% гача юқорироқ. Бу усул билан пайвандлашнинг камчиликлари: пўлатдаги углерод кўпайишининг ҳавфи бор, каллакни совитиш учун сув бўлиши шарти, ишчиларни ҳам ѐйни ҳам газни таъсиридан асраш кераклиги.