Пайғамбаримиз (соллаллоҳу алайҳи ва саллам)нинг муборак 101 дуолари

66. Фаришталар дуоси
اًفَلَت ا ًك ِسْ ُم ِط ْعأ َّمُهللا اًفَل َخ اًقِف ْنُم ِط ْعَأ َّمُهللا
Аллоҳумма аъти мунфиқон халафан, Алло­
ҳум ма аъти мумсикан талафан.
Маъноси:
«Ё Аллоҳ! Инфоқ қилганнинг молини кўпайтир, 
хасислик қилганнинг (зиқнанинг) молига талафот 
бер».
Шарҳ:
Имом Бухорий ва Имом Муслимдан риво
-
ят қилинган саҳиҳ ҳадисларда айтилишича, Расу­
луллоҳ (соллаллоҳу алайҳи ва саллам) бир куни 
асҳобга:
– Ҳар тонгда бир фаришта инсонларга нидо қи­
лади: «Ё Рабб! Инфоқ қилганнинг молини кўпайтир». 
Яна бир фаришта эса: «Ё Рабб! Хасислик қилганнинг 
молига талафот бер», дейди, – дедилар. 
Бу ҳадиси шарифдаги “инфоқ қилмоқ” молини 
хайрли йўлларга сарфлаш маъносидадир. Моли
-
ни қизғаниб, ҳеч кимга бермаган, хайрли йўлларга 
сарф қилмаган хасисдир. Хайрли йўлларга молини 
сарф лаганга унинг моли учун ҳам хайрли ворис
-
лар бўлишини фаришталар дуо қилиб сўрайди. Бу 
йўлда хасислик қилган, сарф қилмаганлар учун эса 
фаришталар унинг моли йўқ бўлишини сўраб дуо 
қилади.
Бу ҳаётда қанча­қанчалар молини яхшилик йўли­
да сарф қилмасдан, хасислик қилганларнинг катта 

---

Пайғамбаримиз (с.а.в.)нинг муборак 101 дуолари
101
бойлик орттиришларига қарамасдан, инқирозга уч
-
раб, молларининг йўқ бўлганига гувоҳмиз. Моллари
-
ни хайр йўлида сарф қилганларга барака ёғилганини 
ҳам кўрганмиз.
Буларнинг барчаси бу дуонинг қабул қилингани 
далолатидир. Инсон фақат ўзи учун эмас, жамият 
учун ҳам яшаши керак. Молидан бошқалар фойда
-
лангани сари унинг Аллоҳ таоло наздидаги даражаси 
ҳам юксалиб боради. Файзу баракаси ортади.
Бунинг аксини, яъни хасислик қилган на ейди, на 
едиради, на жамият унинг молидан фойдаланади. 
Тўплаган моллари охирида совун кўпиги сингари 
йўқ бўлиб кетади. Бу муборак ҳадиси шарифдан иб­
рат олиш керак. Инсон молини хайр йўлида сарф
-
лаб, Ҳақ ва халқнинг эътиборини қозониши лозим. 
Расуллар молларини ва илмларини инсонлар учун 
фидо қилганлар. Бизга намуна бўлганлар. Инсонлик 
шаъни фақат шундай буюк ва олий мафкурали ин
-
сонлар туфайли юксалади.
Жамият қандай яхшилик кўрган бўлса, ана шундай 
инсонлардан кўрган. Қандай ёмонлик кўрган бўлса, 
бузғунчи, хасис кимсалардан кўрган. Улар фақат 
қоринлари ва ҳамёнлари учун яшайди. Ҳолбуки, са
-
хийлар Расулуллоҳ (соллаллоҳу алайҳи ва саллам) 
каби Ҳақ ва халқ йўлида молларини сарфлаб, инсон
-
лик шаъни юксалиши учун ҳаракат қилади. Бундай 
гўзал туйғули инсонлар қандай бахтиёрдирлар.