P. Gulyamov, R. QuRbonniyozov, m avEzov, n. SaiDova

Daryolarga suv qayerdan keladi? Daryolar  yomg‘ir, qor, muz 
suvlari, buloqlar suvlaridan to‘yinadi. Baland tog‘lardan boshlanadigan 
daryolar tog‘lardagi muzliklar va qor suvlari bilan to‘yinadi. Ular yozda 
sersuv bo‘ladi. Amudaryo bilan Zarafshon daryosi ana shunday daryolar 
hisoblanadi. Ba’zi daryolarga yomg‘ir suvi ham, qor suvi ham, yer osti 
suvlari ham tushadi. Bunday daryolarni aralash to‘yinuvchi daryolar 
deyiladi. Masalan, Sirdaryo shunday daryolar sirasiga kiradi.
Daryolar qadim zamonlardan kishilarni chuchuk suv bilan ta’min-
laydigan asosiy manba bo‘lib kelgan. Mamlakatimizda suvdan yaxshi-
roq  foydalanish  uchun  daryolarga  suv  omborlari  qurilgan,  kanal  va 
ariqlar  qazilgan,  qurg‘oqchil  yerlarga  suv  chiqarilgan.  Daryolarga 
to‘g‘onlar, elektr stansiyalar qurilib, energiyasidan ham foydalaniladi.