О‘zr oliy va о‘rta maxsus ta’lim vazirligi buyrug‘i Buyruq №434 2017

6.  Ajratilgan  protoplastlarni  bir-biriga  qо‘shish  usullari.
  Hujayra 
seleksiyasi  ishlarini  amalga  oshirish  uchun  kallus,  kulturalar  suspenziyasi  yoki 
ajratilgan  protoplastlardan  foydalanish  mumkin.  Hujayra  seleksiyasining  keyingi 
uslubi 6u somatik hujayralardan olingan protoplastlarning qо‘shilishidir. Bu uslub 
oddiy jinsiy yо‘l bilan chatishtirish mumkin bо‘lmagan о‘simliklarning filogenetik 
uzoq turlarini chatishtirish imkoniyatini beradi. 
Protoplast - bu pektin-sellyulozali qobiqdan mahrum etilgan tirik hujayradir. 
Hozirgi vaqtda protoplastlarni о‘simliklarning turli organlari tо‘qimalaridan: ildiz, 
barg,  gul  va  mevalaridan,  kartoshka  tuganagidan,  turli  shishlardan  va 
mikrosporalardan  ajratib  olish  mumkin.  Pektolitik,  sellyulitik  fermentlar  va 
osmotik  aktiv  moddalar  eritmalari  bilan  protoplastlarni  zararlamasdan  hujayra 
devorini parchalashga erishish mumkin. 

---

107 
 
Agar  ajratilgan  protoplastlar  ozuqa  muhitlariga  ekilsa,  3-4  kundan  sо‘ng 
yana  hujayra  devori  tiklanib,  hujayralar  bо‘linishga  о‘tadi.  12-14  inchi  kuni 
hamma  hujayralar  mikrokoloniyalarga  aylanadi.  20-40  ta  hujayralardan  iborat 
mikrokoloniyalar yangi ozuqa muhitiga о‘tkaziladi, u yerda ular kallus hosil qiladi. 
Shu  kalluslardan  regenerant  о‘simlik  olish  mumkin.  Ajratilgan  protoplastlar 
qо‘shilish  xususiyatiga  ega.  Bir  xil  о‘simliklar  protoplasti,  har-xil  turga  mansub 
о‘simliklar  protoplasti  va  turli  oilaga  mansub  о‘simliklar  protoplastlari  bilan 
qо‘shilishi mumkin. Protoplastlarning qо‘shilishidan gibridlar yoki sibridlar hosil 
bо‘ladi.  Sibrid  hujayra  ikkala  partnyorning  sitoplazmasiga,  bittasining  yadrosiga 
ega bо‘ladi. Sibridizatsiya sitoplazma SMS xossalariga ega bо‘lgan genlarni, ba’zi 
gerbitsid va patogenlarga chidamlilik genlarini о‘tkazish imkonini beradi.