Ҳозирги кунда Ўзбекистон Республикасида телекоммуникация соҳаси жадал суръатда ривожланиб бормокда, замонавий технологияларга асосланган рақамли техника воситалари билан жиҳозланмоқда

Ҳозирги кунда Ўзбекистон Республикасида телекоммуникация соҳаси жадал суръатда ривожланиб бормокда, замонавий технологияларга асосланган рақамли техника воситалари билан жиҳозланмоқда. Телекоммуникация тармоқларини модернизация қилиш, янги техник воситаларни ўрнатиш, уларни кенг қўллаш ишлари олиб борилмокда. Замонавий технологиялардан фойдаланган ҳолда, фойдаланувчи қаерда бўлишидан қатъи назар, ҳар қандай маълумотларга қисқа вақтда ва юқори тезликда эга бўлиши ҳозирги кунда долзарб масала бўлиб келмокда. Бу мақсадларга эришиш учун келажак авлод тармогини (Next Generation Networks - NGN) қуришга эҳтиёж туғилди. Телекоммуникация тармоқларини ривожлантириш жараёнида дастурий коммутатор технологиясига асосланган келажак авлод тармоғи (NGN) концепцияси ишлаб чиқилди. NGN – бу каналлар коммутациясига эга анъанавий УФТТ дан пакетли IP тармоғига ташланган қадам бўлиб, IP технологиясининг барча имкониятларидан фойдаланиш ҳисобига анъанавий хизматларни тақдим этиш сифатини яхшилайди ва овоз, видео, маълумотларни узатиш ва бошқа хизматларни амалга ошириш имконини беради.
Ўзбекистон республикаси президенти Ислом Каримовни 2009 йилда «Жахон молиявий – иктисодий инкирози, Ўзбекистон шароитида уни бартараф этишнинг йўллари ва чоралари» номли асарлари чиқди. Ушбу асар долзарб муаммо – яъни 2008 йилда бошланган жахон молиявий инқирози, унинг таъсири ва салбий оқибатлари, Ўзбекистон республикаси шароитида юзага келаётган вазиятдан чиқиш йўлларига бағишланган. Ушбу асрдаги кўрилган масалалардан келиб чиқиб шуни айтиш мумкинки, кейинги авлод тармоқларидаги тармоқ элементларининг имкониятларини ўрганиш учун эхтиёж сезилар экан, бунинг учун алохида қурилма ва ускуналар сотиб олмасдан, балким ахборот технологияларидан ва педагогик технологиялардан фойдаланилган холда кейинги авлод тармоқларидаги тармоқ элементларининг имкониятларини ўрганиш мумкин. Ушбу битирув малакавий иш хам кейинги авлод тармоқларидаги тармоқ элементларининг имкониятларини ўрганиш учун электрон қулланма тайёрлашга бағишланган.