"O‘zingiz orzu qilgan kishi bo‘lishingiz uchun hech qachon kech emas"

“O‘zingiz orzu qilgan kishi bo‘lishingiz uchun hech qachon kech emas”.

(Jorj Eliot, ingliz yozuvchisi.)

“Muvaffaqiyat faqat intiluvchan odamgagina nasib qiladi. Qiyin sharoitda tushkunlikka tushadiganlarni esa juda kam yo‘qlaydi”.

(Javoharla’l Neru, hind siyosatchisi.)

“Buyuk muvaffaqiyatlar qat’iyat va qunt-matonatning natijasi, xolos”. (Semuel Jonson, ingliz adabiyotshunosi.)

“Eng muhimi – muvaffaqiyatga erishish uchun nimadir qilish va bunga hoziroq kirishish. Juda oddiy bo‘lishiga qaramay, muvaffaqiyatning eng asosiy sir-sinoati shu. Ajoyib-g‘aroyib g‘oyalar har kimda bor, biroq uni hayotda tatbiq etayotganlar, ayniqsa, ayni damda shu ish bilan shug‘ullanayotganlar juda kam. Ertaga yoki keying hafta emas, hoziroq ishga kirishish kerak”.

(Nolan Bushnell, mashhur amerikalik tadbirkor.)

“Agar sen biror narsani o‘ylab topa olsang, uni bajarishga ham qodirsan”.

(Uolt Disney, mashhur rejissor, multiplikator.)

“Hayotdagi eng birinchi va eng muhim narsa o‘zingni o‘zingga bo‘ysundirishga intilishdir”.

(Vilgelm Humboldt, nemis faylasufi.)

“Bir ishga kirishmay turib, undan chiqish yo‘llarini o‘ylab qo‘yar edim. Uni to‘g‘ri tadbir, qat’iy jazm, sabr-chidam ko‘rsatib, ehtiyotkorlik bilan uzog‘ini o‘ylab, ortini esdan chiqarmagan holda oxiriga yetkazardim”. (“Temur tuzuklari”dan.)

“Odam mashg‘ulot zallarida chempion bo‘lmaydi. Chempion bo‘lish uchun ishni ruhiyatdan boshlash kerak – istak, orzu va o‘z g‘alabasini aniq-tiniq his qilishgina kishini maqsadiga eltadi”.

(Muhammad Ali, mashhur bokschi.)

“Obro‘-e’tiborni shakllantirish va mustahkamlash uchun yigirma yil kerak bo‘ladi. Uni yo‘qqa chiqarish uchun esa besh daqiqa ham yetarli. Agar siz buni jiddiy o‘ylab ko‘radigan bo‘lsangiz, qilayotgan ishingizga munosabatingiz albatta o‘zgaradi”.

(Uorren Baffet, mashhur amerikalik tadbirkor.)

“Boshqalarga yordam berishga intiladigan odamgina muvaffaqiyatga erishadi. Faqat o‘z foydasini o‘ylaydiganlar esa mag‘lubiyatga uchrayveradi”.

(Brayan Treysi, taniqli psixolog.)

“Muvaffaqiyat asosiy maqsadingiz ko‘z oldingizda turganda

keladi. Maqsadingiz ko‘zdan nari ketishi bilan muvaffaqiyat ham

ketadi”. (Bernard Shou, ingliz yozuvchisi.)