O'ziga ishongan inson bo'lish sirlari 2 O'ziga ishongan inson bo'lish sirlari

O'ziga ishongan inson bo'lish sirlari 36
Ommaviy jasoratga oid tarixiy voqealar
O'ziga bo'lgan ishonchni, jasurlikni, botirlikni,
qahramonlikni rivojlantirishning, mashq qildirishning,
yanada kuchaytirishning eng samarali usullaridan biri bu
tarixda bo'lib o'tgan ommaviy qahramonliklar aks etgan
hikoyalarni, qissalarni o'qish, kinofilmlarni ko'rishdir.
Har safar bunday voqealarni o'qiganimizda, filmlarni
ko'rganimizda qalbimiz tozalanadi, ruhiyatimiz
ko'tariladi, o'zimizga bo'lgan ishonch yanada oshadi. Bu
usul juda samarali bo'lib, jangchilarni o'limdan, hech bir
xavf-xatardan qo'rqmaydigan qilib tarbiyalashda keng
qo'llaniladi.
So'zlar juda katta kuchga ega. So'zlarning shuuriy
ongimizni dasturlash xususiyati juda yuqori. Olimlar
mutloq (absolyut) ravishda isbot qilishganki, agar biz
jasur insonlar, qahramonlar to'g'risidagi kitoblarni
o'qisak, kinofilmlarni tomosha qilsak bizning o'zimizga
bo'lgan ishonchimiz darajasi doimiy ravishda o'sib
boradi. Agar qo'rqoqlar, kuchsizlar, sotqinlar, omadsizlar
haqidagi kitoblarni o'qisak, filmlarni ko'rsak mos
ravishda bizning o'zimizga bo'lgan ishonchimiz darajasi,

---

O'ziga ishongan inson bo'lish sirlari 37
kuchimiz sezilarli miqdorda pasayib boradi.
Malumotlarni tanlash – hayotni tanlash demakdir.
Shuning uchun o'qiyotgan kitobingizga, tomosha
qilmoqchi bo'lgan kinofilmingizga jiddiy e'tibor qiling.
Ularni tanlashdan oldin o'zingizga o'zingiz savol bering:
Men o'qimoqchi yoki ko'rmoqchi bo'layotgan
manbalarim tarixiy, texnologik ma'lumotlardan tashqari
o'zida qanday zaryadga ega ma'lumotlarni jam qilgan?
O'qigandan so'ng, tomosha qilgandan so'ng qalbimda
nima qoladi? Bundan men yanada aqlli, dono, kuchli va
o'ziga ishongan bo'lamanmi?
Biz buyuk bir erkinlikka – tanlash erkinligiga
egamiz. Boshqa hech bir jonzotga bu imkon berilmagan.
Ular har doim o'z instinktlarining qulidir. Ularning hatti
harakatlarini oldindan 100% aniqlik bilan aytib berish
mumkin. Lekin bizda har doim tanlash imkoni mavjud:
o'zimizni rivojlantirish, komillikka erishtirish yoki xarob
qilish. Bizda, va faqat bizda tanlash imkoni bor:
o'zimizga bo'lgan ishonchni, jasurlikni, buyuklikni
mashq qildirish yoki olomon bilan birga qolib, ulardek
rangsiz hayot kechirish.

---