O‘zbyek musiqasi tarixi (I kurs ijrochilik bo‘lim talabalari uchun) Ma’ruzalar matni Toshkent–2008 Taqrizchi: s f. n., professor R. Yu. Yunusov

Mahmud Sheroziy

(1236—1311)
Mahmud bin Mas’ud qutbiddin Sheroziy zamonasining ulkan musiqashunosi va olimi edi. Uning hayoti mo‘g‘ul istilosi bilan bog‘liq bo‘lgan murakkab davrlarda kechadi. Alloma Sheroz shahrida dunyoga kelib, boshlang‘ich ma’lumotni ma’rifatli ziyolilardan bo‘lgan otasidan oladi. Uning asosiy asari «Durratut toj li-g‘urat-tid deboj» qomusi bo‘lib, asarning yagona nushasi (1306 yil ko‘chirilgan) Toshkentda Sharqshunoslik institutida saqlanadi.

Tili forscha nushaning «Dar ilmi musiqiy» bo‘limi riyoziy fanlar qatoriga kiritilgan. Bo‘lim muqaddima va 5 maqoladan iborat. Muqaddimada Sheroziy musiqiy va tabiiy tovushlarning estetik xususiyatlarini mubohasa etadi.

1-maqola 10 fasldan iborat bo‘lib, unda musiqaning kelib chiqishi, musiqa ilmining mazmuni, uning sohalari, musiqa nazariyasi va amaliyoti xususida so‘z yuritiladi.

-maqola ham 10 fasldan iborat bo‘lib, unda pardalar, tovushqatorlar tartibi, matematik ko‘rsatkichlari, muloyim va mutanofir sabablari, ularning darajalari, intervalning ta’rifi haqida ma’lumotlari keltiriladi.

-maqola 10 fasldan tarkib topib, unda asosan intervallarning tuzilishi, turlari haqida so‘z yuritiladi (bunda Sheroziy Forobiy nazariyasiga to‘la tayanadi).

-maqola 4 fasl va xotimadan iborat. Dastlabki 4 faslda Sheroziy jins va jam’larning hosil bo‘lishi, ularning turlari, tabaqot (registr)ni tushuntiradi. Xotima qismi 11 mubohasadan iborat. Unda muallif cholg‘u turlari, ularning tuzilishi haqida ma’lumotlar keltirib, nazariy mashg‘ulot uchun udning afzalligini e’tirof qiladi. Bunda Sheroziy 17 pardali tovushqator tizimidan 12 advor (maqom) va 24 sho‘‘ba turkumini aniqladi.

5-maqola 7 fasl va xotimadan tuzilgan. Unda musiqiy ritmika masalalari o‘rganiladi. Bu borada Sheroziy Forobiy nazariyasiga asoslanadi va 18 iqo’ davrlarini batafsil sharhlab o‘tgan. Xotima qismida esa kuylarning yozuv usullari-notatsiyalar masalasi yoritiladi.

Mahmud Sheroziyning musiqa risolasi o‘zining batafsilligi, chuqur ilmiy asosda ekanligi bilan alohida ajralib turadi. Bu asarda Forobiy zamonasidan to XIV asr boshlariga qadar Sharq musiqa nazarnyasining tarixiy taraqqiyot yo‘li o‘z ifodasini topgan. Muallif musiqaning ma’lum nazariy masalasi yuzasidan fikr yuritar ekan, u o‘tmishdoshlari asarlarida berilgan ta’riflarni bir-biriga taqqoslab, ulardan parchalar keltiradi hamda o‘zining tanqidiy mulohazalarini aytadi; eng so‘nggida esa, har bir nazariy masala yuzasidan o‘zining puxta ta’rifini beradi. «Dar ilmi musiqiy» asarini o‘z zamonasida bu sohada yaratilgan risolalar orasida jiddiy ilmiy tadqikot natijasida yuzaga kelgan mukammal nazariy qo‘llanma deyish mumkin. Bu teran asar Mahmud Sheroziyning musiqadagi nazariy va amaliy masalalarni chuqur egallagan bilimdon kishi bo‘lganligini tasdiqlaydi.

Adabiyot:
1. O‘zbekiston xalqlari tarixi I, T., 1992 y.

2.Gafurov B.G. Tadjiki, 2-ya kniga, Dushanbe, 1989 g.

Kaykovus. qobusnoma. T., 1992 y.

Yusuf Xos Xojib «qutadg‘u bilig» T,, 1990 y.

Rajabov I. Maqomlar masalasiga doir. T., 1963 y.

Abu Ali ibi Sino, Safiuddin Urmaviy, Mahmud Sheroziy// Rajabov I. Maqomlar.T., 2006 y.

Muzikal’naya estetika stran Vostoka. M, 1967 g.

8. Vizgo T.S. «O vklade Ibn Sini v mirovuyu muzikal’nuyu nauku» //»Abu Ali ibn Sina» T., 1980 y.

9. Muzaffarova X.G. Jizn’ i tvorchestva K.Sherazi // Izvestiya AN Tadjikistana, 1972 g., №2.