Өзбектан республикасы жоқары ҳӘм орта арнаўлы билимлендириў министрлиги

Koordinata qaǵazlı ásbabı (Graph Paper).
Koordinata qaǵazlı ásbab berilgen parametrli ketek jaratıw imkaniyatın beredi. Bunday ketekti grafikler yaki diagrammalar ushın koordinatalı tiykar qılıp alıw múmkin. Bul instrument parametrlarin, parametrler qatnas aynasında koordinatalı qaǵaz bóliminde ózgertiw múmkin. Yasheykalar sanı maydanında enine (Number of cells wide) boyına (Number of cells high) kóre yasheykalar muǵardarın ózgertiriw múmkin. Kvadrat yasheykalı keteklerdi tayyarlaw ushın knopkasın basıp turıw kerek.



Sızıw úskeneleri (Freehand).

Sızıw úskeneleri qálegen sızıqlardı sızıw ushın mólsherlengen. Bul ásbab isi nátiyjesinde vektorlı kontur payda bolıp bul kontur tayanısh noqatları programma járdeminde avtomatik qoyıladı. Bul konturlar ústinde erkin redaktorlaw imkaniyatı bar.

Bul úskenelerde sızıp atırǵan waqıtta liniyalar qalıńlıǵı hám obvodkalar reńin ózgertiw múmkin. Sızıp bolınǵan sızıqtı qálegen waqıtta dawam ettiriw múmkin. Bunıń ushın kursordı onıń aqırǵı noqatına alıp kelip (kursordıń iymek sızıqları kórsetkishke aylanadı), tıshqansha knopkasın basqan halda sızıqtı dawam ettiriw hámde sızıw úskeneleri járdeminde tuwrı sızıq sızıw múmkin.
Beze ásbabı járdeminde maksimal anıqlıq hám maksimal ratsiyonallıq penen qálegen konturdı jaratıw múmkin. Bul ásbab paydalanıwshını grafikalıq dizaynda barlıq nárseni sheshiwshi forma jaratıwshısına aylanıwına imkaniyat beredi.
Tuwrı sızıqlı segmentler dúziw.
Tuwrı sızıq jaratıw ushın Beze ásbabı qolay keledi. Bunıń ushın Beze ásbabın tańlaw kerek. Kursordı baslanǵısh noqatqa alıp keliw hám tıshqanshanıń shep knopkasın basıw kerek. Knopka basılǵan jerde segmenttiń baslanǵısh tayanısh noqatın ańlatıwshı qara noqat payda boladı. Ol keyingi noqat jaratılǵanǵa shekem aktiv bolıp turadı. Keyin kursordı keyingi noqat jaylasatuǵın taza jerge alıp ótiw kerek. Eki noqat tuwrı sızıq penen tutasadı.