O`zbekstan respublikasi joqari ha`m orta arnawli bilimlendiriw ministrligi qaraqalpaqstan respublikasi kásiplik bilimlendiriwdi rawajlandiriwha`m muwapiqlastiriw basqarmasi qanlikol rayoni kásip-óner mektebi

To`rt taktli dvigateldin` jumıs protsessi.

Kirgiziw takti (4-cu`wret, a) - porshennin` j.t.t dan t.t.t g`a qarap ha`reketlengende onın` joqarısında siyrekleniw payda boladı. Porshen j.t.t kelgende klapan ashqan kirgiziw tesigi arqalı tsilindrge a`wele hawa tazalag`ıshta tazalang`an hawa kiredi. Porshen t.t.t dan o`tkennen keyin klapan kirgiziw tesigin jabadı. Kirgiziw takti aqırında basım 0,08…0,09 MPa, hawa temperaturası 50…70⁰ S.

4-su`wret. To`rt taktli dvigateldin` jumıs islew printsipi:

a-kirgiziw; b-qısıw; v- ken`eyiw; g-shıg`arıw.
]Qısıw takti (4-cu`wret, b). Porshen t.t.t dan j.t.t g`a qaray ha`reketlenedi, bulnda klapanlardın` ekewide jabıq boladı. Hawa shama menen 14…17 ma`rte (E=14…17) qısılıp takt aqırında hawa basımı 3,5… 4 MPa g`a jetedi, hawa temperaturası 510… 680⁰ S boladı.

Qısıw taktinin` aqırında porshen j.t.t g`a jaqın turg`an halatta qısılg`an ha`m ısıtılg`an ishinde hawa bar janıw kamerag`a forsunka arqalı janılg`ı joqarı basımda shan`landırılıp bul`rkilip beriledi. Bull o`z-o`zinen alısıwg`a alıp keledi ha`m onın` ko`pshilik bo`legi janadı. Gazler basımı 5,5…9,0 MPa g`a jetedi, temperaturası bolsa 1630…2130⁰S qa jetedi.

Ken`eytiw takti (4-cu`wret, v)- bulnda klapanlardın` ekewide jabıq boladı. Porshen j.t.t dan t.t.t g`a qaray ha`reketlenedi. Keneyiw takti aqırında basım 0,3…0.5 MPa g`a shekem pa`seyedi, hawa temperaturası 630… 830⁰ S kemeyedi.

Shıg`arıw takti (4-cu`wret, g) - porshen t.t.t g`a kelgende shıg`arıw klapanı ashıladı. Porshen t.t.t dan j.t.t g`a qaray ha`reketlengende isletilgen gazlardı klapan ashqan tesik arqalı atmosferag`a shıg`aradı. Takt aqırında basım 0,11…0,112 MPa, temperatura 430…580⁰ S boladı.