Praktikatıń maqseti hám máselesi
Pitkeriw aldı praktikasınıń tiykarǵı maqseti studentlerdiń universitette oqıw dawamında alǵan bilimlerin bekkemlew hám qurılıstıń hár túrli tarawlarında qollana alıw kónlikpelerin payda etiwden ibarat.
Praktika studentke pitkeriw jumısın orınlaw ushın zárúriy esaplı xám ámeliy maǵlıwmatlar, konstruktorlıq hújjetlerdi, tayarlanıp atırǵan konstrukciyalardıń sızılmasın sızıw hám basqada maǵlıwmatlardı jıynaw imkaniyatın beredi.
Praktika dawamında studentler kárxana bólim hám laboratoriya tárepinen orınlanǵan ilimiy-ámeliy jumıslarına qatnasıwı hám járdem beriwi kerek.
Studenttiń jumıs ornı hám waqtınıń bólistiriliwi.
Praktika dáwirinde student tórt hápte dawamında joybarlaw institutlarında texnologiyalıq bólimde stajer-qánige sıpatında islewi kerek. Islew waqtında kárxananıń jumıs kúnine hám waqtına sáykes keliwi kerek.
Praktika mazmunı
Praktikatıń mazmunı usı dástúrge hám praktika orınlanıp atırǵan kárxananıń jumıs waqtına tuwrı keliwi hám tómendegilerdi óz ishine alıwı kerek.
1. Qurılıs konstrukciyaların islep shıǵaratuǵın texnologiyalar menen tanısıw.
2. Qurılısta isletiletuǵın mashina hám mexanizmler menen tanısıw, olarǵa qoyılǵan talaplar.
3. Qurılıs konstrukciyaların islep shıǵaratuǵın qurılmalar wazıypası, klasifikaciyası, dúzilisi hám jumıs procesiniń bólistiriliwi.
4. Qurılmalardıń islep shıǵarıw dizimin islep shıǵıw hám tayar ónimdi tasıw, saqlaw jumısların shólkemlestiriw.
5. Qurılmalarǵa texnik xızmet kórsetiwdi shólkemlestiriw.
Student bas injener hám texnikler bólimlerinde pitkeriw jumısına tiyisli sızılma, sxema hám maǵlıwmatlar hám pitkeriw jumısı ushın zárúrli bolǵan tómendegi hújjetler menen tanısıwı kerek:
- Qurılıs jumısların alıp barıwda zárúrli bolǵan hújjetler (SNiP, QMQ, ENiR, GOST hám basqalar);
-Mexanizm hám onıń bólimleriniń islew sharayatları.
Praktika nátiyjelerin juwmaqlaw
Praktika juwmaǵında student jazba túrde esabat tayarlaydı hám onı praktika ob'ektinen bekitilgen basshı imzalaǵan kúndelik dápteri menen birge joqarı oqıw orınınan bekitilgen basshıǵa tapsırıladı. Esabat studenttiń praktika dáwirinde orınlaǵan anıq jumısları haqqında maǵlıwmatlar, praktika ob'ekti bólimlerinen qısqasha túsinik, (cex, bólim, laboratoriya h.t.b), olar xızmetiniń shólkemlestiriliwi, ómir qáwipsizligi haqqındaǵı máseleler, praktika nátiyjeleri boyınsha juwmaq hám usınıslardı óz ishine alıwı lazım.
Praktika juwmaǵında student óz esabatın universitet tárepinen tayınlanǵan komissiya aldında qorǵaydı.
Komissiya quramına ótilip atırǵan praktika pánin alıp barıwshı oqıtıwshı, universitet tárepinen bekitilgen basshıda kiritiledi. Praktika nátiyjesi bahası studenttiń kurstan ótiwi hám stependiya belgilewde esapqa alınadı.
Praktika juwmaǵı universitettiń ilimiy-metodikalıq májilisinde hám praktika ob'ektiniń islep shıǵarıw keńesinde qaralıp shıǵıladı. Universitet hám fakul'tet ilimiy keńesinde praktikatıń nátiyjelerine juwmaq jasaladı.
Praktika dástúrin orınlamaǵan, jumıs haqqında qanaatlandırarsız yamasa esabat qorǵawında qanaatlandırarsız baha alǵan student dem alıs waqtında ózi esabınan qayta praktika ótewge jiberiledi.
Do'stlaringiz bilan baham: |