Өзбeксtан рeспубликaсы жоқары ҳӘм орта арнаўлы билим министрлиги

1. Оқыў пәниниң оқытылыўы бойынша методикалық көрсетпелер

“Тарийхый үлкетаныў ҳәм урбанизация процесслери” пәни ўазыйпасы студентлерде теориялық билимлер, әмелий көнликпелер, студентлерге Ўатанымыздың әййемги тарийхы ҳәм оның тийкарғы басқышларын, мәмлекетшилик ҳәм қаласазлық мәденияты, топонимикалық мағлыўматлар ҳәм олардың хронологиясы, үлке тарийхын үйрениўде археологиялық, этнологиялық, жазба ҳәм архив мағлыўматларынан пайдаланыўды үйретиўден ибарат.

Пән бойынша студентлердиң билим, көнликпе ҳәм уқыпларына төмендегише талаплар қойылады. Студент:

• 
  Тарийхый үлкетаныў курсының мақсет ҳәм ўазыйпалары, изертлеў объектлери, дәслепки илимий шөлкемлер, XIX - XX әсирде үлкетаныў жумыслары, үлке тарийхын үйрениўде археологиялық, этнологиялық, жазба ҳәм архив мағлыўматларынан илимий мақсетлерде пайдаланыўды билиўи керек;
  
• 
  студент тарийхый мағлыўматларды илимийлик, тарийхыйлық, объективлик тийкарда үйрениўи, музей предметлери ҳәм интернет мағлыўматларын ҳәмде археологиялық дереклерди өз бетинше изертлеў ҳәм беккем көнликпелерине ийе болыўы керек;
  

- Археология музейи, археологиялық дереклердиң характеристикасы, архив, илимий изертлеў институтлары материалларынан пайдаланыў уқыпларына ийе болыўлары керек.
Үлкемизде қаласазлық урбанизациясы ҳәм мәмлекетшиликтиң пайда болыўы. Үлкемизде әййемги мәмлекетлер ҳәм қалалар туўрысында жазба дереклер, Ўатанымыздың қубла аймақларында әййемги қала мәдениятының қәлиплесиўи ҳәм раўажланыўы, орта асирлер дәўиринде жаратылған дереклерде «қала» түсиниги. X-XII асирлерде қала мәдениятының раўажланыўы, Амир Темур ҳәм темурийлер дәўиринде қаласазлықтың раўажланыўы соңғы орта әсирлерде үлкемизде урбанизация процеслериниң раўажлана баслаўы сыяқлы тәреплерин үйрениўге итибар қаратылған. Соның ушын, «Кадрлар таярлаў миллий дастүрин»де көрсетилиб өтилген студент-жаслардың тарийхый дуньяқарасларын байытыў, оларда өзиниң жеке пикирин ашып бериў, тарийхты жоқары дәрежеде билиў, ҳар бир жас әўладта өзиниң үлкеси тарийхын үйрениў ҳәм ўатанды сүйиў туйгысын оятыў, бүгинги күнде үлкемизде алып барылып атырған ҳәмме ҳайирлы ислерди жаслар аңына сиңдириў, өз топрағын, Ана замин ҳәм үлкесин қадирлеўге үйретиў сыяқлы мәселелерди өз алдына мақсет қылып қойған.