O'zbekistonning xorijiy mamlakatlar bilan o'zaro manfaatli aloqalari

2. O`zbekiston-Amerika davlatlari. Tijoratni rivojlantirish va biznes-muhitni yaxshilash

Bugungi kunda O‘zbekiston Respublikasining Shimoliy va Janubiy Amerikaning 20 ta mamlakati, jumladan, AQSh, Meksika Qo‘shma Shtatlari, Kanada, Braziliya Federativ Respublikasi, Argentina Respublikasi, Chili Respublikasi, Venesuela Bolivar Respublikasi, Yamayka, Urugvay Sharqiy Respublikasi, Peru Respublikasi, Kosta-Rika Respublikasi, Paragvay Respublikasi, Kuba Respublikasi, Gvatemala Respublikasi, Nikaragua Respublikasi, Gonduras Respublikasi, Dominikan Respublikasi, Ekvodor Respublikasi, Kolumbiya Respublikasi va Ko’pmillatli Boliviya Davlati bilan diplomatik munosabatlari o‘rnatilgan.

O‘zbekiston Respublikasi «Tashqi siyosiy faoliyat konteptsiyasiga» muvofiq respublika tashqi siyosatining ustivor yo’nalishlardan biri AQSH bilan hamkorlik hisoblanadi. Joriy o’zbek-amerika munosabatlari uzoq muddatli va ko’p qirrali tomoni bilan ajralib turadi.

Tomonlar ko’plab xalqaro va mintaqaviy muammolar bo’yicha mushtarak manfaat va qiziqishlarga ega. Ushbu jabhada siyosiy, iqtisodiy, gumanitar hamda global xavfsizlik tahdidlari - ya`ni, giyohvand moddalarning noqonuniy aylanishi, ommaviy qirg‘in qurollarining tarqalishiga qarshi kurash, shuningdek, Afg‘onistonda tinchlik va barqarorlikni mustahkamlash sohalarida o‘zaro faol hamkorlik alohida ahamiyat kasb etadi.

Ikki davlat o’rtasida diplomatik aloqalar 1992-yil 19-fevralda o’rnatilgan. Ushbu davr mobaynida o’zaro hamkorlikning ulkan salohiyati shakillantirildi va kostruktiv hamkorlik tajribasi to’plandi.

O’zbekiston-Amerika hamkorlik doirasidagi barcha yo’nalishlarda sifat jihatidan yangi va o’zaro manfaatli aloqalarni yo’lga qo’yishni belgilab bergan asosiy hujjat bu ikki mamlakat o’rtasida 2002-yil martda imzolangan Strategik sherikchilik va hamkorlikning asoslari to’g’risidagi Deklaratsiya hisoblanadi.

Ikki tomonlama munosabatlarni rivojlantirishda oliy va yuqori darajadagi doimiy muloqotlar alohida ahamiyat kasb etadi. Har yilgi siyosiy maslahatlashuvlarning o’tkazilishi davlatlar o’rtasidagi hamkorlikning mustahkamlanishiga sabab bo’lmoqda.

O’zbekiston va AQSh o’rtasidagi parlamentlararo aloqalar ham faollik bilan ajralib turadi. Parlamentlar delegatsiyalarining so’nggi yillar davomidagi o’zaro tashriflari bu yo’nalishda hamkorlikning mustahkam asosi bolib xizmat qilmoqda.