O’zbekistonda ijtimoiy-iqtisodiy jarayonlarning tahlili

Iqtisodiyotning iqtisodiy ko’rsatkichlari tahlili

Hozirgi kunga kelib, kichik biznes va xususiy tadbirkorlikni rivojlantirish dunyoning barcha davlatlarida milliy iqtisodiyotni mustahkamlashning eng ustuvor yoʻnalishlaridan biri sifatida qaralmoqda. Birlashgan Millatlar Tashkiloti maʼlumotlariga koʻra butun dunyo boʻyicha aholining 50 foizi kichik va oʻrta biznes subyektlarida faoliyat olib bormoqda shuningdek, mamlakatlar iqtisodiyotida kichik biznes subyektlarining salmogʻi sezilarli ulushni tashkil etmoqda.

Mamlakatimizda ham iqtisodiyotning mazkur boʻgʻinini qoʻllab quvvatlash va rivojlantirish izchillik bilan amalga oshirib borilmoqda. Keyingi yillarda bu sohada olib borilgan tizimli islohotlar natijasida tadbirkorlikni roʻyxatdan oʻtkazish uchun talab etiladigan hujjatlar sonini qisqartirish va ularni onlayn rasmiylashtirish imkonini yaratish orqali ushbu jarayonlar sezilarli ravishda osonlashtirildi.

Bu esa oʻz navbatida tashabbuskorlar tomonidan tez va qulay shaklda, ayniqsa hozirgi koronavirus pandemiyasi davrida, uydan chiqmagan holda tadbirkorlik subyektlarini tashkil etish va ularning faoliyatini yanada rivojlantirishga sharoit yaratib beradi.