«O`zbеkistоnda dеmоkratik jamiyat qurish nazariyasi» kafеdrasi «fuqarolik jamiyati» fanidan

1. O’quv fani o’qitilishi bo’yicha uslubiy ko’rsatmalar.

Qadim davrlardan boshlab jahon sivilizatsiyasini rivojiga katta hissa qo‘shgan O‘zbekiston xalqi faqat mustaqillik davriga kelib ro‘shnolik ko‘rdi. Milliy davlatchilik shakllandi, sobiq ittifoq davrida toptalgan milliy madaniyat va ma’naviyat qaytadan tiklandi, xalq haqiqiy erkinlikni o‘z hayotida chuqur his eta boshladi. Fuqarolarning dunyoqarashida tub o‘zgarishlar ro‘y berdi. Totalitar mafkuradan butunlay holi bo‘lgan yangi avlod shakllandi. Ular hayotida o‘z atrofidagi voqeliklarga o‘z mustaqil nuqtai nazari qarash, o‘z taqdirini Vatan taqdiri bilan bog‘liq holda his etish kabi qadriyatlar shakllandi. Mustaqillik davridagi buyuk o‘zgarishlar haqida birinchi Prezident I.A.Karimov quyidagi fikrlarni bildirgan edi: “Bugun insonning o‘zi o‘zgarmoqda, uning grajdanlik va siyosiy ongi, huquqiy madaniyati o‘smoqda. Biz kommunistik mafkura asoratlaridan, boqimandalik kayfiyatidan, turli soxta qoliplardan to‘la xalos bo‘lib bormoqdamiz. Mustaqil fikrlaydigan, zamonaviy bilim va kasb-hunarlarga ega, hayotga yangicha qaraydigan, sobiq mustabid tuzumga xos tushunchalardan ozod bo‘lib voyaga etayotgan, o‘z fikri va qarashlariga ega bo‘lgan navqiron yoshlarimiz hayotga ishonch bilan kirib kelmoqda, jamiyatimizda mustahkam o‘rin olmoqda va mamlakatimizning taraqqiyoti yo‘lida hal qiluvchi kuchga aylanmoqda”²⁰².

Davlatning bosh islohotchilik rolini oshirish, kuchli ijtimoiy himoya siyosatini amalga oshirish jarayoni “O‘zbek modeli” asosidagi islohotlarni hech bir ijtimoiy larzalarsiz amalga oshirishga shart-sharoit yaratdi. Prezident Shavkat Mirziyoyev ta’kidlaganidek “taraqqiyotning “o’zbek modeli”ni amalga oshirish va zamonaviy davlat barpo etish borasidagi strategik tamoyillarga biz o’z ishimizda doimo suyanamiz. Bu tamoyillar O’zbekistonda bundan buyon ham siyosiy, iqtisodiy va ijtimoiy o’zgarishlarni ta’minlashning mustahkam poydevori hisoblanadi”²⁰³.

Ko‘rinib turibdiki, mamlakatda fuqarolik jamiyati strategik maqsad sifatida e’lon qilinishi natijasida yangi dolzarb vazifalar paydo bo‘ldi. Ma’lumki, bu kabi jamiyatlar rivojlangan mamlakatlarda bir necha yuz yilliklar ichida nazariya sifatida shakllanib, XX asrning o‘rtalaridan boshlab amaliyotda namoyon bo‘ldi. Bu mamlakatlar tajribasini o‘rganish, mamlakatimiz tarixida shakllangan fuqarolik jamiyatining milliy unsurlarini demokratlashtirish va ularni xorijiy tajriba bilan uyg‘unlashtirish davr talabi sifatida o‘zligini namoyon qila boshladi. SHuningdek, fuqarolik jamiyatiga doir nazariy va amaliy bilimlarni yoshlar ongiga singdirish mamlakat kelajagi va istiqbolini belgilovchi omil sifatida paydo bo‘ldi. CHunki, yangi quriladigan jamiyatning belgilari hamda tarxi yoshlar ongi va tasavvurida namoyon bo‘lmas ekan, bu ulug‘vor vazifani bajarishga kirishib bo‘lmaydi.