O‘zbekiston

Тўловни олиш

SET протоколидаги охирги босқич тўловни олиш босқичи бўлиб, унда сотувчи тўлов маршрутизаторидан тўловни талаб этади. Бу босқич транзация амалга оширилгандан сўнг маълум вақтдан сўнг амалга оширилиши мумкин ва у қуйидаги учта қадамдан иборат бўлади (13.7-расм).

Merchant Payment Capture Request. Сотувчи охирги транзакция суммасини, транзация ID сини ва бошқа транзация маълумотларини ўз ичига олган тўлов суммасини ҳосил қилади ва имзолайди. Бу янги сессия калити билан шифрланади ва сессия калити тўлов маршрутизаторининг очиқ калити билан шифрланади. Шифрланган сўров ва сессия калити сотувчининг очиқ калит сертификати билан бирга тўлов маршрутизаторига юборилади.

Payment Gateway Capture Processing. Тўлов маршрутизатори сессия калитини тиклайди ва тўловни олиш сўровини тиклайди. Шундан сўнг сотувчи сертификатини текшириш орқали сўровга қўйилган имзони текширади.

Шундан сўнг тўлов маршрутизатори имзоланган ва шифрланган жавоб сўровини генерация қилади ва уни ўзининг очиқ калит сертификати билан бирга сотувчига юборади.

Merchant Processing of Response. Бу протоколнинг охирги қадами бўлиб, сотувчи сессия калити ва тўловни олиш хабарини тиклайди ҳамда хабарга қўйилган имзони ҳақиқийлигини текширади. Бу хабар тўлов маршрутизаторида бўлиши мумкин бўлган форс-мажор ҳолатлар учун сақланади.

13.7-расм. Тўловни олиш босқичи

SETнинг 1.0 версиясида очиқ калитли криптогарфик алгоритм сифатида RSA алгоритми (камида 768 - бит) фойдаланилган. Бундан ташқари эллиптик эгри чизиқга асосланган кўринишлари ҳам мавжуд. Ҳозирги кунда IBM, Verisign, CyberTrust, Verifone, Sterling Commerce, Terisa, Netpay ва GlobeSet компаниялари ушбу хизматни таклиф этади.