O‘zbekiston

Тўлов авторизацияси

Протоколнинг бу қисми сотувчи ва тўлов маршрутизаторини ўз ичига олади. Бунда асосий мақсад сотувчини транзакцияни амалга ошириш учун авторизациядан ўтиши ҳисобланади. Бунда 3 та асосий қадам мавжуд (13.6-расм).

Merchant Authorization Request. Сотувчи рақамли имозаланган авторизация сўровини генерация қилади. Авторизация сўрови авторизацияланиши керак бўлган сумма, транзакция ID си ва транзакция ҳақидаги бошқа ахборотдан иборат бўлади.

Сотувчи тасодифий сессия калитини генерация қилади ва у асосида авторизация сўровини шифрлайди. Сессия калити эса тўлов маршрутизатори очиқ калити билан шифрланади. Ушбу маълумотлар карта эгасининг PI ахбороти ва шифрланган сессия калити, карта эгасининг очиқ калит сертификати ва сотувчининг очиқ калит сертификати билан биргаликда тўлов маршрутизаторга юборилади.

13.6-расм. Тўлов авторизацияси босқичи

Payment Gateway Processing. Тўлов маршрутизатори авторизация сўровини қабул қилганда, ўзининг махфий калити билан шифрланган сессия калитларини дешифрлайди. Сессия калити билан эса сўровни дешифрлайди. Сотувчи сертификати текширилади ва у асосида сўровни ҳақиқийлиги текширилади.

Шундан сўнг, иккинчи сессия калити ва мижознинг ахборотни тикланади. Сессия калитидан фойдаланиб PI тикланади. Карта эгасининг очиқ калити текширилади ва у асосида OI ва PI текширилади. Хабарларни иккала қисмидаги транзакция ID ларини солиштириш орқали уларнинг бир хиллиги текширилади.

Кейинги босқичда тўлов маршрутизатори жорий банк учун хабар генерация қилади. Бу шахсий молиявий тармоқ орқали амалга оширилади.

Агар савдо авторизациядан ўтказилса, тўлов маршрутизатори томонидан имзоланган жавоб қайтарилади. Бу жавоб янги сессия калити билан шифрланган бўлиб, сессия калити эса сотувчининг очиқ калити билан шифрланган бўлади.

Merchant Response Processing. Сотувчига жавоб қабул қилинганда тўлов авторизацияси тикланиб, текширилади. Авторизациянинг нусхаси сотувчига сақланади.