O‘zbekiston zamini /2019 Tahrir hayʼati

Land of Uzbekistan
Земля Узбекистана
4/2021

---

O‘ZBEKISTON ZAMINI
4/2019
110
2-rasm.
 Qishloq xo‘jaligi geoaxborot tizimida davlat idoralari bilan ma’lumotlar almashish sxemasi.
3-rasm.
 Qishloq xo‘jaligi vazirligi geoportali bosh sahifasi.
pilot loyihalari amalga oshirildi. 
Qishloq xo‘jaligi vazirligi geoaxborot 
portalini shakllantirish asosida qishloq xo‘jaligi 
yerlaridan foydalanish bo‘yicha yer uchastkalari, 
konturlari va tavsiflari raqamli xaritada mavzuli 
qatlamlar yaratish ishlari dolzarblashtirildi. Ekin 
maydonlarining aniq chegaralari va maydonlari 
aniqlandi, asosiy yer turlari, jumladan qishloq 
xo‘jaligi yerlari (ekin yerlar, ko‘p yillik daraxtzorlar, 
bo‘z yerlar, pichanzor va yaylovlar bo‘yicha ekin 
maydonlarining haqiqiy tuzilmasini xaritalash, 
ekinlarning vegetatsiyasini monitoring qilish, 
muammoli maydonlarni aniqlash [12, 13] va boshqa 
tadbirlar amalga oshirildi (5-rasm).
Sun’iy intellekt texnologiyalari yordamida 
amalga oshirilgan pilot loyihalar Yevropa ittifoqining 
“Kopernikus” dasturiga kiruvchi “Sentinel-2” 
yo‘ldosh apparatlari guruhining har 10 kun oralig‘ida 
olingan, hozirgi vaqt uchun dolzarb va 1 yildan 
ortiq arxiv multispektral suratlariga mutaxassislar 
tomonidan yaratilgan etalonlarni mashina ta’limida 
qo‘llash asosida amalga oshirildi [14]. Tahlillarning 
aniqligi tanlov asosida qayta tekshirish va taqqoslash 
usullari yordamida ta’minlandi (6-rasm).
Pilot loyiha, maxsus mashina ta’limi 
uslubiyati, matematik algoritm va indekslar bilan 
respublikaning ikkita tumani bo‘yicha qishloq 
xo‘jaligi ekinlari vegetatsiyasini aniqlash, suv bilan 
ta’minlanganligi, yerlardan maqsadsiz (belgilangan 
maqsadlarga mos kelmaydigan ekinlar uchun) 
foydalanishni aniqlash bo‘yicha amalga oshirildi. 
Olingan natijalar asosida tizimni takomillashtirish 
va tahliliy materiallarni respublikaning barcha 
hududlari bo‘yicha avtomatik shakllantirish orqali 
foydalanish ko‘zda tutildi (7-rasm).
Shu bilan birga, tizimda tumanlar kesimida 
ob-havo va boshqa meteorologik ma’lumotlar, 
yaylovlarni o‘simliklar bilan qoplanganligi, chorva 
ozuqa bazasi to‘g‘risidagi geobotanik tadqiqotlar 
natijalari va boshqa ma’lumotlarni aks ettirish yo‘lga 
qo‘yildi (8-rasm).