O‘zbekiston va Islom hamkorlik tashkiloti (iht) o‘rtasidagi hamkorlik

Prezident tashabbusi:

-Fan va texnologiyalar bo‘yicha Islom Hamkorlik Tashkilotining (IHT) Birinchi sammitida (2017 yil 10-11 sentyabr, Ostona) olg’a surilgan O‘zbekiston Respublikasi Prezidenti Shavkat Mirziyoyevning tashabbuslari va takliflarini ro‘yobga chiqarish bo‘yicha amaliy chora-tadbirlar rejasini hayotga tadbiq etish doirasida IHT Fan va texnologiyalar sohasida hamkorlik bo‘yicha doimiy qo‘mita bilan aloqalarni kengaytirish masalasi hal etildi. Qo‘mita delegatsiyasining O‘zbekistonga tashrifi tashillashtirildi, uchrashuv va muzokaralar chog’ida O‘zbekiston Respublikasi bilan IHT Fan va texnologiyalar sohasida hamkorlik bo‘yicha doimiy qo‘mita o‘rtasidagi 2018-2020 yillarga mo‘ljallangan hamkorlik “Yo‘l xarita”si imzolandi.     

-Prezident Shavkat Mirziyoyev tashabbusi bilan ikki yil muqaddam Sherobod tumanidagi Iso Termiziy maqbarasi obod qilingan edi. 2017-yil 14-fevralda davlatimiz rahbarining Imom Termiziy xalqaro ilmiy-tadqiqot markazini tashkil etish to‘g‘risida qarori qabul qilindi.

-Mamlakatimizda muqaddas dinimizni, ulamolarimizning boy merosini o'rganish, tarixiy obidalarni asrab-avaylashga aloihida e'tibor qaratilmoqda. Samarqandda Imom Buxoriy xalqaro ilmiy-tadqiqot markazi tashkil etilmoqda, Sherobod tumanidagi Abu Iso Muhammad Termiziy, Qarshi tumanidagi Abul-Mu'iyn Nasafiy ziyoratgohlari va boshqa qadamjolarda qurilish-ta'mirlash ishlari bajarilmoqda.