O’zbekiston tenglar ichra teng o’zing, Minbarlarda yangrar doim dil so’zing

O’zbekiston--- tenglar ichra teng o’zing,

Minbarlarda yangrar doim dil so’zing.

Do’stlik, tinchlik, birodarlik da’vating,

Jahon yuzin ko’rib turar qalb ko’zing.

Olamga tanitib turkiylar zotin,

Yoyib Muqannayu Temurlar otin,

Dilimga jo etib, egamning yodin,

Ming yillardan o’tib kelolgan omon,

Jon O’zbekiston!
Kamol topadursan to’lib qudratga,

Albat yetadursan oily niyatga

Tomirlaring tutash abadiyatga,

O’zing tanlab olgan yo’llaring ravon,

Mening o’zbek elim,

Jon O’zbekiston!

Olam ko’rgani yo’q Sinoday tabib,

Navoiy singari mumtoz bir adib,

Al-Kindiy cholg’usi dillarga habib,

G’azallar, navolar oromijondir,

Kelajagi buyuk O’zbekistondir.