O’zbekiston tarixi va manbashunoslik

BARQAROR IQTISODIY O’SISH– makroiqtisodiy barqarorlik tushunchasi bilan chambarchas bog’liq bo’lib, ma’lum bir tizimning tashqi ta’sirlar ostida joriy holatini saqlagan xolda iqtisodiy o’sishga erishish tushuniladi.

BANDLIK – mehnatga layoqatli aholining ijtimoiy foydali meyehnat bilan mashg’ul bo’lishi; fuqarolarning shaxsiy va ijtimoiy ehtiyojlarini qondirish bilan bog’liq va qonunga zid kelmaydigan, mehnat daromadi beradigan faoliyati.

BIRJA – qimmatbaho qog’ozlar, valyuta, tovar, ish kuchi va xomashyo sotiladigan va xarid qilinadigan muassasa.

BOZOR SEGMENTI – bozorning ma’lum qismini tashkil etadi va bozordagi iste’mol maqsadi bir bo’lgan xaridorlarning xatti-harakatini tavsiflaydi. Xaridorning daromadi, turar joyi, oilaviy, milliy urf-odatlari, jinsi, yoshi va boshqa xususiyatlariga qarab bozor segmentlashtiriladi.

VALYUTA – ma’lum bir davlatning qonun bilan o’rnatilgan pul vositasi (milliy valyuta), bir yoki bir necha yetakchi mamlakatlarning valyutasi ko’rinishidagi jahon rezerv pullari, Xalqaro valyuta fondi va Yevropa valyuta tizimi a’zolari tomonidan ko’p tomonlama hisob-kitoblarda foydalaniladigan xalqaro valyuta birliklari.