O‘zbekiston Respubllkasi Xalq ta'limi vazirligi tasdiqlagan

Boshqarish obyektlarining Visible xossasi. Kompyuter viruslarini

nima uchun topish qiyin? Chunki ular ko‘rinmas, nega-ki, ularning o‘z oynasi yo‘q. Yaratilayotgan ilovalarni ham ko‘rinmas qilib qo‘yish mumkin-mi? Albatta, mumkin.

Buning uchun har bir boshqaruvchi obyektda, shu jumladan ilova oynasida ham bo‘lgan Visible (ko‘rinadigan) xossasidan foydalanish kerak bo‘ladi. U mantiqiy turdagi xossa bo‘lib, faqat True (Rost) yoki False (Yolg‘on) qiymatlarni qabul qiladi.

Obyektning Visible xossasi dastlab rost bo‘ladi va obyekt oynada ko‘rinib turadi. Agar bu xossani yolg‘on qilib o‘rnatsak, obyekt oynada ko‘rinmay qoladi. Uning o‘rnidan boshqa maqsadlarda foydalansa bo‘ladi.

Agar ikkita yoki undan ko‘p boshqarish obyektlaridan bir vaqtda foydalanilmasa, u holda ulardan faqat bittasining Visible xossasini rost qilib, qolganlarini yolg‘on qilib o‘rnatib, ilova oynasining bitta joyiga qo‘yish va joyni tejash mumkin. Bundan vizual dasturlashda keng foydalaniladi.

2. 
   Boshqarish obyektlarining Enabled xossasi. Rasmda Delphi 7 asosiy menyusining Edit (Tahrirlash) bo‘limi aks etgan. Uning ko‘plab bandlari xira tortib qolganini ko‘rish mumkin. Bu ular faol emasligi sababli, ulardan shu paytda foydalanib bo‘lmasligi bildiradi.
   

Masalan, menyuning to‘rtinchi bandi Copy (nusxa olish)dan foydalanish uchun avval matnning biror bo‘lagini ajratib olish kerak. Matnning biror qismi ajratib olinishi bilan undan nusxa olish mumkin bo‘ladi va menyuning Copy bandi faollashib, to‘q rangda paydo bo‘ladi va bu amalni bajarish mumkin bo‘ladi.

Boshqarish obyektlarining Enabled (faol) xossasi shu maqsadga xizmat qiladi. Bu xossa ham mantiqiy qiymatlarni qabul qiladi. Agar uning qiymati rost bo‘lsa, obyekt faol, yolg‘on bo‘lsa, obyekt sust holatda bo‘ladi.

Dastlab barcha obyektlar uchun bu xossa qiymati rost bo‘lib, ular faol holatda bo‘ladi. Agar bu xossani yolg‘on qilib o‘rnatsak, obyekt oynada ko‘rinib tursada, u xira tortib qoladi. Undan vaqtincha foydalanib bo‘lmaydi.

3.