O’zbekiston Respublikasioliy va o’rta maxsus ta’lim vazirligi Samarqand davlat unversiteti

MAShG`ULOTNING BORIShI
1. a). Talabalar ma’ruza va seminar mashg`ulotlari davomida metod tadqiqot yo’li, nazariya, ta’limot deb tarjima qilinishini, ilmiy tushuncha sifatida "metod" so’zi keng ma’noda muayyan maqsadga erishish yo’lini tor ma’noda tabiat va ijtimoiy hayot hodisalari hamda qonuniyatlarini bilish maqsadida qandaydir vazifani hal etish usulini o’rganib chiqishgan. Endi ular ilmiy-pedagogik tadqiqot metodining mohiyatini ochib berishlari uchun Didaktika(O.Roziqov va bosh)kitobining 26-39, Pedagogika (A.Munavvarov va bosh)o’quv qo’llanmasining 9-15, Pedagogika (X.I.Ibragimov, Sh.A.Abdullayeva) o’quv qo’llanmasinining 65-67, Pedagogika (N.G`aybullayev va boshq.)ma’ruzalar matnining 30-32 betlaridan foydalanishlari mumkin
b) Talabalar pedagogikada shunday maxsus metodlar mavjudki, ular yordamida ta’lim-tarbiya jarayoniga oid muhim faktlar, turli pedagogik vaziyatlar mohiyatlari, mexanizmlari, xususiyatlari o’rganilishini aytib, hozirgacha ma’lum bo’lgan ilmiy-pedagogik tadqiqot metodlarni sanab o’tishlari mumkin:

1.Pedagogik kuzatish uslubi.

2.Suhbat uslubi
3.So’rovnoma, test uslubi
4.Hujjatlarni tahlil qilish uslubi
5.Loyihaviy o’qitishni qullay olish uslubi
6.Statistik ma’lumotlarni tahlil qilish uslubi
7. Eksperiment, tajriba, sinov uslubi
8.O’quv jarayonini faollashtiruvchi uslublar
9.Bolalar ijodini o’rganish.
10.Matematika va kibernetika.
Pedagogik kuzatish usuli qanday qo’llaniladi?
Kuzatish usuli ta’lim-tarbiya jarayonlarining amaldagi holati bilan tanishtiradi, ularning oqibat natijalarini bilishga yordam beradi va shu asnoda yaratilgan yangi kashfiyotlar uchun dalillar, omillar yig`ish imkonini tug`diradi. Bu usul ancha murakkab bo’lib, nazarda tutilgan maqsad qanday amalga oshayotganligini aniqlash, o’qituvchi va o’quvchilarning o’zaro aloqalari, individual farqlarini qiyoslash uchun ham qo’llaniladi.
Tabiiy kuzatish orqali o’quvchilarning fanlarni o’zlashtirishlari, ularning xulq-atvori va muammolaridagi o’zgarishlarni hisobga olish va tegishli ta’limiy-tarbiyaviy ta’sir ko’rsatish yo’llarini belgilash uchun qo’llaniladi.
Ilmiy kuzatishlar esa nafaqat o’quvchilarning tabiiy faoliyatini balki ularning ilmiy dunyoqarashlari shakllanishi, fikrlash jarayoni kuchi, xulosalar chiqarishdagi faolliklarini aniqlaydi, ularni tahlil etadi. Bunday kuzatishlar oqibat natijada pedagogika fani mazmunini boyishiga sabab bo’ladi.