Oʻzbekiston respublikasining soliq kodeksi (Yangi tahriri) Oʻzbekiston Respublikasining

461-modda. Soliq toʻlovchilar 
(1-q.)
Aylanmadan olinadigan soliqni toʻlovchilar (bundan buyon ushbu boʻlimda soliq 
toʻlovchilar deb yuritiladi) deb quyidagilar eʼtirof etiladi: 
1) soliq davrida tovarlarni (xizmatlarni) realizatsiya qilishdan olingan jami daromadi bir 
milliard soʻmdan oshmagan Oʻzbekiston Respublikasi yuridik shaxslari (bundan buyon ushbu 
boʻlimda yuridik shaxslar deb yuritiladi); 
2) soliq davrida tovarlarni (xizmatlarni) realizatsiya qilishdan olingan daromadi yuz million 
soʻmdan oshgan, lekin bir milliard soʻmgacha boʻlgan yakka tartibdagi tadbirkorlar. 
(2-q.) 
Aylanmadan olinadigan soliq quyidagilarga nisbatan tatbiq etilmaydi: 
1) Oʻzbekiston Respublikasining bojxona chegarasi orqali tovarlarni olib kirishni (importni) 
amalga oshiruvchi yuridik shaxslar va yakka tartibdagi tadbirkorlarga; 
2) aksiz soligʻi toʻlanadigan tovarlarni (xizmatlarni) ishlab chiqaruvchi va foydali 
qazilmalarni kavlab olishni amalga oshiruvchi yuridik shaxslarga; 
3) yuridik shaxslar - qishloq xoʻjaligi tovar ishlab chiqaruvchilariga, basharti ularda yigirma 
besh gektar va undan ortiq sugʻoriladigan qishloq xoʻjaligi ekin maydoni mavjud boʻlsa; 
(OʻzR 
29.12.2021-y. OʻRQ-741-son Qonuni tahriridagi band) 
4) benzin, dizel yoqilgʻisi va gazni realizatsiya qilishni amalga oshiruvchi yuridik 
shaxslarga; 
5) lotoreyalarni tashkil etish boʻyicha faoliyatni amalga oshiruvchi yuridik shaxslarga;
6) oddiy shirkat ishlarini yuritish oʻz zimmasiga yuklatilgan ishonchli shaxsga - oddiy 
shirkat shartnomasi doirasida amalga oshirilayotgan faoliyat boʻyicha; 
7) boʻsh turgan binolar, yashash uchun moʻljallanmagan inshootlar va qurilishi 
tugallanmagan obyektlar, shuningdek foydalanilmayotgan ishlab chiqarish maydonlarining 
mulkdori boʻlgan yuridik shasxlarga, ulardan samarasiz foydalanilayotganligi boʻyicha qonunda 
belgilangan tartibda xulosa kiritilganda; 
8) markazlashtirilgan moliyalashtirish manbalari hisobidan obyektlarni (joriy va kapital 
taʼmirlash bundan mustasno) qurishni bajaruvchi yuridik shaxslarga; 
9) alkogol mahsulotlari, shu jumladan pivoni chakana sotish boʻyicha turgʻun savdo 
shaxobchalariga; 
(OʻzR 30.12.2020-y. OʻRQ-659-son Qonuniga muvofiq kiritilgan band) 

---

10) bozorlarga va savdo komplekslariga; 
(OʻzR 30.12.2020-y. OʻRQ-659-son Qonuniga 
muvofiq kiritilgan band) 
11) soliq maslahatchilarining tashkilotlariga; 
(OʻzR 29.12.2021-y. OʻRQ-741-son Qonuniga 
muvofiq kiritilgan band) 
12) auditorlik tashkilotlariga; 
(OʻzR 29.12.2021-y. OʻRQ-741-son Qonuniga muvofiq 
kiritilgan band) 
13) notijorat tashkilotlariga, shu jumladan budjet tashkilotlariga. 
(OʻzR 29.12.2021-y. 
OʻRQ-741-son Qonuniga muvofiq kiritilgan band)